2025 جىلى اكتوبە وبلىسىندا 99 ءجاسوسپىرىم قىز جۇكتى بولدى (2024 جىلى بۇل كورسەتكىش 107 بولعان). ولاردىڭ كوبى 17-18 جاستاعى كوللەدج ستۋدەنتتەرى جانە كەيبىر مەكتەپ وقۋشىلارى, دەپ حابارلايدى Egemen.kz.
بالالار گينەكولوگى سالتانات تۋبۋلباەۆانىڭ ايتۋىنشا, ولاردىڭ كوبى ءوزىنىڭ اياعى اۋىر ەكەنىن العاشقى ايلاردا بايقامايدى نەمەسە جاسىرۋعا تىرىسادى.
ەلىمىزدە ەرتە جۇكتىلىك كورسەتكىشى ازايعان
«جاسوسپىرىمدەردىڭ قۇرساق بۇلشىقەتتەرى جاقسى دامىعان, ونىڭ ۇستىنە ولار كەڭ (وۆەرسايز) كيىمدەر كيەدى. ال قۇسۋ مەن جۇرەك اينۋدى اسقازان اۋرۋىنا بالاپ, ءمان بەرمەيدى. سونىڭ سالدارىنان قىزدار بىزگە تەك 20-21 اپتا بولعاندا عانا كەلەدى. جۇكتىلىكتى 21 اپتادان اسقان سوڭ توقتاتۋ مۇمكىن ەمەس. ءاربىر ءجاسوسپىرىمنىڭ جۇكتىلىگى كوميسسيا قاراۋىنا جىبەرىلەدى, وعان اكۋشەر-گينەكولوگتار, گەنەتيك, پسيحولوگ جانە باسقا ماماندار قاتىسادى. قىزدار قاتاڭ باقىلاۋدا بولادى, سەبەبى بالا كوتەرۋ جاس ورگانيزم ءۇشىن ۇلكەن جۇك. فيزيولوگيالىق تۇرعىدان قىزدار دايىن ەمەس. قان اينالىمى, تىنىس الۋ جۇيەسى تولىق قالىپتاسپاعان. ەرتە جۇكتىلىك پلاتسەنتا الدىنان قابىرشاقتالۋىنا, بوسانعاننان كەيىن قان كەتۋگە اكەلۋى مۇمكىن. اسقىنۋلار قىزداردا 2-3 ەسە ءجيى, بالالار كوبىنە از سالماقتا دۇنيەگە كەلەدى. پسيحولوگتار جۇمىس ىستەيدى, بىراق وتباسىنىڭ قولداۋى ماڭىزدى», دەيدى سالتانات تۋبۋلباەۆا دياپازون باسىلىمىنا بەرگەن سۇحباتىندا.
دارىگەردىڭ ايتۋىنشا, جاسوسپىرىمدەر جۇكتىلىگىنىڭ 97-98%-ى بوسانۋمەن اياقتالادى جانە جاس انالار بالادان باس تارتپايدى.
وتكەن جىلى بوسانعانداردىڭ ىشىندە تەك ءبىر بالا عانا ۋاقىتشا ء«ۇمىت» سابيلەر ۇيىنە ورنالاستىرىلعان. قالعان بالالار وتباسىندا تاربيەلەنىپ جاتىر. كەيبىر اجەلەر ءتىپتى دەكرەتتىك دەمالىس الىپ, نارەستەگە قارايدى, وسىلايشا قىزدارعا وقۋىن جالعاستىرۋعا مۇمكىندىك بەرەدى. 17 جاستاعىلارى تۇرمىسقا شىعىپ جاتادى. 2025 جىلى تىركەلگەن ەڭ جاس جۇكتى قىز 14 جاستا بولعان.
ەرتە جۇكتىلىكتىڭ الدىن الۋ شارالارى تۋرالى