اتاۋلى الەۋمەتتىك كومەك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە
الماتى قالاسى ءباسپاسوز قىزمەتىنىڭ مالىمەتىنە سۇيەنسەك, بيىلعى جىلدىڭ ءى توقسانىندا 4,6 مىڭعا جۋىق بالاعا الەۋمەتتىك توپتاما بەرىلەتىن بولادى. وتكەن جىلدىڭ قورىتىندىسى بويىنشا ااك الۋشىلار ىشىنەن 1 جاستان 6 جاسقا دەيىنگى 6,9 مىڭ بالا ازىق-ت ۇلىك جانە تۇرمىستىق حيميا زاتتارىنىڭ جيىنتىعى تۇرىندە الەۋمەتتىك توپتاما الادى دەپ بولجانۋدا. وسى جىلى كەپىلدىك بەرىلگەن الەۋمەتتىك توپتامانى aleumet.egov.kz الەۋمەتتىك قىزمەتتەر پورتالىنا تولىعىمەن اۋىستىرۋ جوسپارلانىپ وتىر.
اتاۋلى الەۋمەتتىك كومەكتەن باسقا, از قامتىلعان, كوپبالالى وتباسىلارعا كەلەسى قولداۋ شارالارى كورسەتىلەدى: تۇرعىن ءۇي كومەگى (ەگەر بۇل شىعىستار وتباسىنىڭ جيىنتىق تابىسىنىڭ 5 پايىزدىق ۇلەسىنەن اسىپ كەتسە, تۇرعىن ءۇي-كوممۋنالدىق شىعىستاردى تولەۋدە); 20 اەك مولشەرىندە ءبىر رەتتىك الەۋمەتتىك كومەك (58 340 تگ); جەكە تۇرعىن ءۇيدىڭ مەنشىك يەسىنە جالپى تارماقتان ۇيگە دەيىن گاز جابدىعىن جۇرگىزۋ جانە ورناتۋ شىعىندارىن وتەۋگە بىرجولعى الەۋمەتتىك كومەك, ەمتيحان سەسسياسىنىڭ ناتيجەلەرى بويىنشا «وتە جاقسى» بالاما العان كوپ بالالى وتباسىنان شىققان ستۋدەنتتەرگە اي سايىنعى 10 مىڭ تەڭگە مولشەرىندەگى الەۋمەتتىك كومەك. ال 1 جاستان 6 جاسقا دەيىنگى بالالارعا ارنالعان ماك اي سايىن ازىق-ت ۇلىك جيىنتىعى جانە توقسان سايىن ۇسىنىلاتىن تۇرمىستىق حيميا تاۋارلارىنىڭ جيىنتىعى تۇرىندە ۇسىنىلادى. جيىنتىق قۇرامى ۇكىمەتتىڭ 2019 جىلعى 30 جەلتوقسانداعى № 1032 قاۋلىسىمەن بەكىتىلگەن جانە وسى جاستاعى بالالاردىڭ فيزيولوگيالىق ەرەكشەلىكتەرىن, تاماق پەن ەنەرگەتيكالىق قۇندىلىقتىڭ اراقاتىناسىن ەسكەرە وتىرىپ قالىپتاستىرىلعان. جيىنتىققا انەميا, راحيت, ديسباكتەريوزدىڭ الدىن الۋ ءۇشىن كالتسي مەن باسقا ميكروەلەمەنتتەرمەن, پروبيوتيكتەرمەن بايىتىلعان دارۋمەندەر بار ءتۇرلى ونىمدەر ء(سۇت, كوكونىس, جەمىس) كىرەدى.
ورتا ءبىلىم بەرۋ ۇيىمدارىندا وقيتىن 6 جاستان 18 جاسقا دەيىنگى بالالارعا ارنالعان ماك مەكتەپ فورماسىنىڭ نەمەسە سپورت فورماسىنىڭ جيىنتىعى جانە مەكتەپ-جازۋ كەرەك-جاراقتارىنىڭ جيىنتىعى; دەنساۋلىق ساقتاۋ سالاسىنداعى ۋاكىلەتتى ورگان بەلگىلەگەن نورمالارعا سايكەس وقۋ جىلى كەزەڭىندە وقۋ ورنى بويىنشا (وقۋ كۇندەرىندە) كۇندەلىكتى ءبىر رەتتىك ىستىق تاماق بەرۋدى قامتاماسىز ەتەدى; قوعامدىق كولىكتە (تاكسيدەن باسقا) جەڭىلدىكپەن جول جۇرۋگە مۇمكىندىك بەرەدى.