ءماجىلىس دەپۋتاتى باقىتبەك سماعۇل باستاعان توپ كەشە كەڭەس وداعىنىڭ باتىرى, داڭقتى قولباسشى باۋىرجان مومىش ۇلىنىڭ تۋعان كۇنىنە وراي باتىردىڭ استانا كوشەلەرى ءبىرىنىڭ بويىندا ورىن تەپكەن ەسكەرتكىشىنە گۇل شوقتارىن قويۋ ءراسىمىن وتكىزدى.
ءماجىلىس دەپۋتاتى باقىتبەك سماعۇل باستاعان توپ كەشە كەڭەس وداعىنىڭ باتىرى, داڭقتى قولباسشى باۋىرجان مومىش ۇلىنىڭ تۋعان كۇنىنە وراي باتىردىڭ استانا كوشەلەرى ءبىرىنىڭ بويىندا ورىن تەپكەن ەسكەرتكىشىنە گۇل شوقتارىن قويۋ ءراسىمىن وتكىزدى.
ەلوردانىڭ ايازدى وكپەك جەلى بەت-قولدى قارىسا دا, كەلۋشىلەر قاتارى از بولعان جوق. اتالعان ءىس-شاراعا دەپۋتاتتار, اۋعان سوعىسىنىڭ ارداگەرلەرى, ارداگەرلەر كەڭەسىنىڭ مۇشەلەرى, «جاس وتان» جاستار قاناتىنىڭ وكىلدەرى, وليمپيا رەزەرۆىنىڭ سپورتشىلارى جانە بۇقارالىق اقپارات قۇرالدارىنىڭ وكىلدەرى قاتىستى.
ورتاعا شىعىپ ءسوز العان ب.سماعۇل ءوز ويىن بىلايشا ءوربىتتى: «مەملەكەتىمىز ءۇشىن دە ۇلكەنىمىز بەن كىشىمىزگە سانا ەركىندىگىن قالىپتاستىرۋدا تاۋەلسىز تۇلعا كەرەك. ونداي تۇلعا – باۋىرجان مومىش ۇلى. بۇگىنگى تاڭدا پاتريوتيزمنىڭ ىرگەسىن قالاعان, ءومىرى ونەگەلى, ارتىندا وشپەس مۇراسى بار اعا بۋىننىڭ ۇلگىسىن ۇرپاققا دارىتا ءارى تاراتا ءبىلۋىمىز كەرەك».
بۇدان كەيىن ءسوزدى سايىن نازاربەك ۇلى الدى. «كەزىندە دانا بولعان حالقىمىز ءوز قاسيەتىنەن ايىرىلىپ بارا جاتقان ۋاقىتتا جاراتۋشى بىزگە ا.بايتۇرسىنوۆ باستاعان زيالى قاۋىمدى بەردى, ويدى ۇمىتتىرماۋ ءۇشىن ابايدى ومىرگە الىپ كەلدى, ەرلىكتى ەستە قالدىرۋ ءۇشىن باۋكەڭدى سىيلادى. ...وسىنداي ۇلى تۇلعالارمەن ماقتانا ءارى ولاردى مويىنداي وتىرىپ, قازاق حالقىنىڭ ۇلىلىقپەن ۇشتاسقاندىعى ءاردايىم ەسىمىزدە ءجۇرۋى ءتيىس», دەدى سايىن اعامىز اعىنان جارىلىپ.
رەسپۋبليكالىق ارداگەرلەر ۇيىمى توراعاسىنىڭ ورىنباسارى, گەنەرال بەكبولات مۇقىشەۆ تا داڭقتى باتىر ەسكەرتكىشىنە گۇل شوقتارىن قويۋ ءۇشىن جانە ەرلىك رۋحىنا تاعزىم ەتۋ ءۇشىن ارنايى كەلىپتى. «كەزىندە ول كىسىنىڭ ەڭبەگى باعالانبادى. «التىن كەزدىك قاپ تۇبىندە جاتپايدى» دەمەكشى, باۋىرجان مومىش ۇلىنىڭ ەرلىگى مەن ەڭبەگىن قازىرگى تاڭدا الەم تانىپ جاتىر. ءتۇسىرىلىپ جاتقان كينو جانە باسقا دا ءىس-شارالار تاريحتا قالادى. جاستارعا دەگەن ۇلكەن ونەگە, ۇلگى», دەي كەلىپ, اقساقال جاستارعا قاراتىپ: «باۋىرجان اتالارىڭ سەكىلدى باتىر ءارى باتىل بولىڭدار», دەگەن اعالىق تىلەگىن جەتكىزدى.
ال قازاقستان رەسپۋبليكاسىنىڭ اۋعانستان جانە وقشاۋ سوعىستار ارداگەرلەرi وداعى توراعاسىنىڭ بiرiنشi ورىنباسارى قايرات تۇلعاەۆ ءوز ويىن بىلايشا ساباقتادى: «اۋعان سوعىسىنا 22 مىڭ 169 قازاقستاندىق قاتىستى. ونىڭ ءىشىندە 924-ءى ەرلىكپەن قازا تاۋىپ, 18-ءى حابار-وشارسىز كەتتى. ءجانە دە 1115-ءى مۇگەدەك بولىپ قالدى. سول جىگىتتەردىڭ سوعىستا كورسەتكەن ەرلىگىندە, قايسارلىعى مەن قاھارماندىعىندا باۋىرجان مومىش ۇلىنىڭ دا ۇلەسى بار». اۋعاندىق ارداگەر جاستاردى ەلىمىزدىڭ ءبىرتۇتاستىعى مەن بىرلىگىن ساقتاۋعا شاقىرا وتىرىپ, ول ءۇشىن تەك بىلەك كۇشى عانا ەمەس, ءبىلىم الۋلارى قاجەتتىگىنە نازار اۋدارتتى.
«جاس وتان» جاستار قاناتى استانا قالالىق فيليالى توراعاسىنىڭ ورىنباسارى سالتانات ءالي: «الاش ۇرپاعىنىڭ جاستارى بۇگىنگى تاڭدا ەلباسىمىزدى, سونىڭ ىشىندە ءتاۋەلسىزدىك تۋىن جەلبىرەتكەن باۋىرجان سىندى اعالارىمىزدى ارقاشان ماقتان تۇتادى. جانە دە ءتاۋەلسىزدىگىمىزدىڭ ماڭگى بولۋى ءۇشىن ەرىنبەي ەڭبەكتەنىپ, بىلىكتى دە ءبىلىمدى مامان اتانۋىمىز كەرەك. ەسكەرتكىشتەر ەسكەرۋسىز قالىپ قويماسىن, قايتا جاستاردىڭ ءتاربيەسى ءۇشىن ءىس-شارالاردى وتكىزىپ تۇرايىق», دەگەن جالىندى جولداۋىن جەتكىزدى.
جينالعاندار الدىندا باقىتبەك سماعۇل داڭقتى باتىرعا ارناعان:
ءبىز قازاقپىز دوسقا قۇشاق اشاتىن,
ءبىز ەمەسپىز جاۋدى كورسە قاشاتىن.
باۋىرجانداي باتىرى بار ءبىرتۋار,
قازاقستان رەسپۋبليكاسى جاساسىن!
– دەگەن ءبىر شۋماق ولەڭىن جىگەرلى داۋىسپەن وقىپ بەردى.
بۇدان كەيىن كەلگەن قاۋىم ەسكەرتكىشكە گۇل شوقتارىن قويىپ, باۋىرجان مومىش ۇلىنىڭ رۋحىنا تاعزىم ەتتى.
اسقار تۇراپباي ۇلى,
«ەگەمەن قازاقستان».