پاندەميا سالدارىنان بارىنەن قاتتى زارداپ شەككەن شاعىن جانە ورتا بيزنەستى قولداۋ ءۇشىن بارلىق جاعداي جاساۋ قاجەت. بۇل تۋرالى ەلوردا اكىمى التاي كولگىنوۆ ءوزىنىڭ Instagram-داعى پاراقشاسىندا جازدى, دەپ حابارلايدى Egemen.kz
«دامۋ» كاسىپكەرلىكتى دامىتۋ قورىنىڭ وكىلدەرىمەن كەزدەسىپ, بيىلعى جوسپارلاردى تالقىلادىق. قورمەن بىرلەسىپ «بيزنەستىڭ جول كارتاسى-2025», «قاراپايىم زاتتار ەكونوميكاسى», «نۇرلى جەر», «ەڭبەك», سونداي-اق, جەڭىلدىكپەن قارجىلاندىرۋ بويىنشا بىرقاتار باعدارلامانى ىسكە اسىرامىز.
«مىسالى, «بيزنەستىڭ جول كارتاسى – 2025» باعدارلاماسى بويىنشا, بىلتىر ەلوردادا 1 مىڭنان استام جوبا, «قاراپايىم زاتتار ەكونوميكاسى» بويىنشا 30 جوبا جانە ت. ب. قولداۋ تاپتى. بۇل باعدارلامالار شاعىن جانە ورتا بيزنەس وكىلدەرىنە ايتارلىقتاي قولداۋ كورسەتۋگە, قازاقستاندىق ءوندىرىس ونىمدەرىن شىعارۋ ۇلەسىن ۇلعايتۋعا جانە ت. ب. مۇمكىندىك بەرەدى», دەپ جازدى التاي كولگىنوۆ.