كوپشىلىك ورىنداردان جۇقتىرۋ كوبەيدى

سوڭعى مالىمەتتەرگە سايكەس, الماتى­دا كوروناۆيرۋس ينفەكتسياسىنىڭ 23 016 جاعدايى تىركەلسە, ونىڭ 14 634-ءى سيمپ­­­تومدى جانە 8 382-ءسى سيمپتومسىز. تەك 8 اقپان كۇنى 118 الماتىلىقتىڭ جاڭادان ىندەت جۇقتىرعانى انىقتالدى. 9 اقپانعا دەيىن 21 241 ادام ەمدەلىپ شىقتى. 7 اقپاندا كوروناۆيرۋس ينفەكتسياسىنىڭ 114 جاعدايى تىركەلگەن بولاتىن.

«قاڭتار ايىندا كۆي-ءدىڭ 3 607 جاعدايى تىركەلدى, اقپاننىڭ جەتى كۇنىندە 770 ادامنىڭ جاڭادان ىندەت جۇقتىرعانى راستالدى. كۆي ەكىنشى تولقىنىنىڭ دامۋ ديناميكاسى 28 قاڭتاردا باستالعان قۇلدىراۋمەن جۇمساق ورلەمەلى سىزىق بويىنشا جۇرەدى. بۇل الماتى قالاسىنىڭ ەپيدەميالىق جاعدايدى باعالاۋ ماتريتساسىندا قىزىل ايماقتان (4 كۇن بولدى – 25-29 قاڭتار ارالىعىندا) سارى (1 كۇن بولدى – 30 قاڭتار) جانە جاسىل ايماققا (31 قاڭتاردان باستاپ قازىرگى ۋاقىتقا دەيىن) اۋىسۋىنا اكەلدى», دەيدى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.

ەپيدەميولوگتىڭ ايتۋىنشا, 28 قاڭ­تاردان باستاپ الماتى قالاسىندا كۆي اۋرۋىنىڭ كۇندەلىكتى 130 جاع­دايدان 122 جاعدايعا دەيىن, 29-31 قاڭتار ارالىعىندا كۇنىنە 90 – 116, 1-7 اقپان ارالىعىندا 110 – 114 جاعدايعا دەيىن تومەندەۋى تىركەلگەن.

«الماتى قالاسىنداعى كوروناۆيرۋس ينفەكتسياسىمەن اۋرۋدىڭ ەپيدەميالىق بولجامى اقپان ايىندا جورامالدانعان جوعارى كورسەتكىشتەرگە ساي كەلىپ وتىر. ەپيدەميانىڭ ەكىنشى تولقىنىنىڭ جو­عارى كورسەتكىشى 26-27 قاڭتاردا ورىن ال­دى. بۇل كۇندەرى كۇنىنە 138-139 جاع­­داي تىركەلگەن ەدى», دەپ ءتۇسىندىردى ءا.قالىقوۆا.

بۇل رەتتە قاڭتار ايىنىڭ 4 اپتاسىمەن سالىستىرعاندا ەپيدەميالىق تەرگەۋلەرمەن قوعامدىق ورىنداردا جۇقتىرۋدىڭ 5,1%-عا (38,6 %-دان 43,7%-عا دەيىن – اۋا رايىنىڭ جىلىنۋىنا بايلانىستى كەلۋشىلەردىڭ بەلسەندىلىگى) وتباسىلاردا 2%-عا (28%-دان 30%-عا دەيىن) ۇلعايعانى انىقتالدى. وتباسىلىق ءىس-شارالاردا (قۇدالىقتار, كەشتەر جانە باسقالار) ينفەكتسيا جۇقتىرۋدىڭ كوبەيۋى بايقالادى – اپتاسىنا 16 جاعداي (2,2%). بۇل حالىق اراسىندا قىراعىلىق پەن ساقتىق شارالارىنىڭ تومەندەگەنىن كورسەتەدى. قوعامدىق كولىكتە جۇقتىرۋ دەڭگەيى 20-22% ارالىعىندا وزگەرىسسىز قالدى.

ەپيدەميولوگ سانيتارلىق نورمالاردى ساقتاۋدىڭ, ياعني بەتپەردە كيۋدىڭ, 1,5-2 مەتر قاشىقتىقتى ساقتاۋدىڭ ما­ڭىز­­دىلىعىن تاعى دا اتاپ ءوتتى. سون­داي-اق مۇمكىندىگىنشە ادام كوپ جينا­لاتىن جەرلەرگە, اسىرەسە قارت ادام­دار­عا, سوزىلمالى اۋرۋلاردان زارداپ شە­گەتىن­­دەرگە جانە ت.ب. بارۋدان باس تارتۋعا شا­قىردى.

قاڭتار ايىمەن سالىستىرعاندا جاس ەرەكشەلىكتەرىنە قاراي اۋرۋ دەڭگەيى 20-39 جاس ارالىعىنداعىلاردا 3%-عا ناشارلادى. بيىلعى اقپاننىڭ 1 اپتا­سىنداعى جاس قۇرامى جانە جۇقتىرۋ ورىن­دارىنا توقتالساق, 39,2% – 20-39 جاس – 257 جاعداي; 25% – 40-59 جاس – 164 جاعداي; 20,9% – 60 جاس جانە ودان جوعارى – 137 جاعداي.

اقپاننىڭ العاشقى جەتى كۇنىندە ىندەتتىڭ 43,7%-ى – قوعامدىق ورىنداردان, 29,9%-ى – وتباسىندا, 20,1%-ى قالالىق كولىكتەردەن تاراعان.

ايتا كەتۋ كەرەك, پاندەميا باستال­عاننان بەرى الماتىدا شامامەن 917 مىڭ پتر زەرتتەۋ جۇرگىزىلدى. بۇگىندە قالادا تاۋلىكتىك قۋاتتىلىعى 14,5 مىڭ زەرتتەۋ بولاتىن 24 پتر زەرتحانا جۇمىس ىستەيدى. پەرسپەكتيۆالىق قۋاتى – 23 300 زەرتتەۋ. بۇل رەتتە «ۇلتتىق ساراپتاما ورتالىعى» فيليالىنداعى پتر تەستىنىڭ قۇنى جەكە تۇلعالار ءۇشىن دە, زاڭدى تۇلعالار ءۇشىن دە 8 025 تەڭگەگە دەيىن تومەندەتىلدى.

سونداي-اق شەتەلدەردەن COVID-19 اكە­لىنۋىنىڭ الدىن الۋ شارالارى جال­عاسىپ جاتىر. 2020 جىلعى 6 قازاننان باس­تاپ بيىلعى 7 اقپانعا دەيىن كوروناۆيرۋس ينفەكتسياسىنىڭ 89 جاعدايى انىقتالدى (تۇركيا – 32, ءباا – 25, مىسىر – 23, بەلارۋس – 5, مالديۆ ارالدارى – 2, سەۋل – 1, ۋكراينا – 1).

بۇگىنگى تاڭدا الماتى ستاتسيونار­لا­رى­­نىڭ جالپى قۋاتتىلىعى 7 011 توسەكتىك ورىندى قۇرايدى.

وسى ارادا سەيسەنبى, 9 اقپان كۇنى الما­تىنىڭ مەديتسينالىق قىزمەت­كەر­لەرىن ۆاكتسينالاۋ ءۇشىن سق-فارماتسيا 1 750 دوزانى جەتكىزگەنىن ايتا كەتۋ كەرەك. ءبىرىنشى كەزەكتە, ۆاكتسينالاۋ ينفەك­تسيا­لىق ستاتسيونارلاردىڭ, كوپ­سالالى ستا­تسيونارلاردىڭ قابىل­داۋ, رەانيما­تسيا بولىمدەرىنىڭ قىزمەتكەرلەرىنە, ال­عاش­قى مەديتسينالىق-ساني­تار­لىق كو­­مەك كورسەتەتىن جەدەل مەديتسي­نا­­­لىق كومەك, سونىمەن قاتار سانيتارلىق-ەپيدەميالىق قىز­مەت­تىڭ قىزمەت­كەر­لەرىنە جۇرگىزىلەدى. مە­ديتسينا قىزمەتكەرلەرىنە ءبىرىنشى كەزەڭ ءۇشىن 1 750 دوزا ۆاكتسينا الىندى, سايكەسىنشە, ەكىنشى كەزەڭ ءۇشىن 1 750 دوزانىڭ جەت­كىزىلۋى كۇتىلۋدە. ۆاك­تسي­نا 2 كەزەڭ بو­يىنشا جۇرگىزىلەدى, با­سىندا 0,5 مل دوزادا ءبىرىنشى كومپونەنت, كەيىن 21 كۇننەن كەيىن 2 كومپونەنتپەن تاعى دا 0,5 مل ەنگىزىلەدى. وسىلايشا, ۆاكتسينانىڭ ءبىرىنشى دوزاسى يممۋندىق جاۋاپتى ىسكە قوسسا, ەكىنشىسى ونى كۇشەيتەدى. 8 اقپاندا ءبىرىنشى كومپونەنت ۆاكتسيناسىمەن 1 315 مەديتسينا قىز­مەتكەرى قامتىلدى. 59 جاعدايدا ۆاكتسي­نالاۋ كەيىنگە قالدىرىلدى جانە 2 ادام ودان باس تارتتى. بيىلعى 21 اقپاندا قىز­مەتكەرلەردى ەكىنشى كومپونەنتپەن ۆاكتسينالاۋ جالعاسادى.

الماتى