الماتىدا 2020 جىلى قوعامدىق دەنساۋلىق ساقتاۋ باسقارماسىنىڭ اقپاراتى بويىنشا 42019 بالا دۇنيەگە كەلگەن. ناقتى ايتقاندا, قالالىق №2 پەرزەنتحانادا 5,5 مىڭعا جۋىق بالا, 2937 ۇل جانە 2750 قىز بالا تۋعان.
900-گە جۋىق نارەستە حيرۋرگيالىق ارالاسۋ ارقىلى كەسار تىلىگىمەن پايدا بولدى. پەرزەنتحانانىڭ باس دارىگەرى گۇلنار نۇرلانوۆا اتاپ وتكەندەي, ۋاقىتىنان بۇرىن بوسانۋعا جاتىرداعى تىرتىق, ۇرىقتىڭ جامباسپەن كەلۋى, ۇرىقتىڭ قاۋىپتى جاعدايى, ت.ب. جاعدايلار سەبەپ بولادى.
وتكەن جىلى اۋىر دارەجەلى پرەەكلامپسياسى بار 10 ايەل بوساندى. ستاتيستيكاعا سايكەس, بۇل پاتولوگيا انا ءولىمىنىڭ باستى سەبەپتەرىنىڭ ءبىرى بولىپ تابىلادى. بارلىق 10 ايەل ءساتتى بوساندى.
ەستەرىڭىزگە سالا كەتەيىك, №2 قالالىق پەرزەنتحانا 132 توسەكتىك قۋاتى بار قالاداعى ەڭ كونە بوساندىرۋ مەكەمەسى بولىپ تابىلادى. پەرزەنتحانانىڭ جابدىقتالۋى شامامەن 100% قۇرايدى.
وتكەن جىلدىڭ وزىندە 265 بىرلىك زاماناۋي مەديتسينالىق جابدىقتار, ونىڭ 204-ءى جەرگىلىكتى بيۋدجەت ەسەبىنەن, قالعانى پەرزەنتحانا ەسەبىنەن ساتىپ الىنعان. ال مەديتسينالىق كومەك جوعارى بىلىكتىلىگى بار مەديتسينا قىزمەتكەرلەر تاراپىنان كورسەتىلەدى.