بۇگىننەن باستاپ «ماقتاارال» فۋتبول كلۋبىن رەسمي تۇردە تاجىريبەلى فۋتبول مامانى - ماسۋدوۆ ۆاحيد يۋنۋسوۆيچ جاتتىقتىرادى, دەپ حابارلايدى Egemen.kz. ماقتاارال اۋدانى اكىمىنىڭ ءباسپاسوز قىزمەتىنە سىلتەمە جاساپ.
ۆاحيد يۋنۋسوۆيچ - وسىعان دەيىن بىرنەشە كلۋبتاردا باپكەرلىك قىزمەتىن اتقارىپ جەتىستىككە جەتكەن. 1993 جىلى الماتىنىڭ «دوستىق» كلۋبىنان ءوزىنىڭ باپكەرلىك جولىن باستاعان. بىرنەشە ساتىدان وتكەن باپكەر, 2016-17 جىل ارالىعىندا «اقجايىق» فك باس باپكەرى بولسا, 2018 جىلى «اتىراۋ», 2019 جىلى «تاراز» فۋتبول كلۋبىن جاتتىقتىرعان.
تاجىريبەلى باپكەر ماقتاارالعا كەلىپ, كلۋب باسشىسى مەيىرجان ۇسەن ۇلىمەن بىرگە اۋدان اكىمى - باقىت اسانوۆتىڭ قابىلداۋىندا بولدى. اۋدان باسشىسى ۆاحيد يۋنۋسوۆيچتىڭ جوسپارلارىن تىڭداپ, ىسىنە سەنىم بىلدىرە وتىرىپ, تولىقتىرۋلارمەن قوسا ناقتى تالاپتار قويدى. ەندىگى جەردە ۆاحيد يۋنۋسوۆيچتىڭ «ماقتاارال» ءۇشىن بارىن سالارى ءسوزسىز.
ال, قاقپاشىلار بويىنشا باپكەر بولىپ ۇلتتىق قۇرامانىڭ ەكس-ويىنشىسى - سەرگەي بويچەنكو تاعايىندالدى.