الماتىدا بۇگىن «Digital Almaty 2021: تسيفرلىق قايتا جاڭعىرۋ: جاڭا جاعدايعا سەرپىلىس» فورۋمى باستالعانى بەلگىلى. فورۋمنىڭ نەگىزگى مىندەتتەرى تسيفرلاندىرۋ سالاسىنداعى ايماقتىق جانە جاھاندىق دەڭگەيدە كۇن ءتارتىبىن قۇرۋ, تسيفرلىق ترانسفورماتسيانىڭ جاڭا ستراتەگيالارى مەن جاڭا تەحنولوگيالار سالاسىنداعى ۇردىستەردى قالىپتاستىرۋ, سونداي-اق حالىقارالىق ىنتىماقتاستىقتىڭ الداعى قادامدارى مەن پەرسپەكتيۆالارىن تالقىلاۋ بولدى.
وسى ورايدا الماتى اكىمى باقىتجان ساعىنتاەۆ حالىقارالىق اT قوعامداستىق وكىلدەرىمەن بىرقاتار ەكىجاقتى كەزدەسۋلەر وتكىزدى. ءبىلىم بەرۋ سالاسىنداعى EduSteppe كونسالتينگتىك كومپانيانىڭ نەگىزىن قالاۋشى, Edtech Finland باسقارماسىنىڭ كەڭەسشىسى ەندريۋ نولانمەن كەزدەسۋ بارىسىندا ءبىلىم بەرۋدىڭ تيىمدىلىگىن ارتتىرۋ ماقساتىندا جاڭا تەحنولوگيالاردى ەنگىزۋ ماسەلەلەرى قارالدى. سونىمەن قاتار, ە. نولان وقۋدىڭ مۋلتيديستسيپلينارلىق ءادىسىنىڭ, جاساندى ينتەللەكتتىڭ جانە ءاداپتيۆتى وقىتۋدىڭ مۇمكىندىكتەرى تۋرالى ايتتى.
Re-State قورىنىڭ تەڭ قۇرىلتايشىسى جانە باس ديرەكتورى اناستاسيا كالينينامەن كەزدەسۋ كەزىندە يننوۆاتسيالىق ەكوجۇيەلەردى نىعايتۋ بويىنشا تاجىريبە الماسۋ پەرسپەكتيۆالارى, جاڭا تەحنولوگيالىق شەشىمدەردى ازىرلەۋ جانە يننوۆاتسيالىق باسقارۋ تاقىرىپتارىنا زەرتتەۋلەر جۇرگىزۋ ماسەلەلەرى قارالدى.
Delta work كومپانياسىنىڭ نەگىزىن قالاۋشى جانە باسقارۋشى سەرىكتەسى دانيەل سيەلمەن جانە Scal8R قۇرىلتايشىسى ءارى باس اتقارۋشى ديرەكتورى يگور وۆچارەنكومەن الماتى اكىمى يننوۆاتسيالىق كاسىپكەرلىكتى دامىتۋ جانە ءتۇرلى باعدارلامالار مەن ءىس-شارالار وتكىزۋ ارقىلى ەكوجۇيەلەردى قۇرۋ ماسەلەلەرىن تالقىلادى.
فورۋمنىڭ نەگىزگى تاقىرىپتارى وتاندىق ات-شەشىمدەردى قولداۋ جانە جاڭا نارىقتارعا شىعۋ مۇمكىندىگى, ايماقتىق سەرىكتەستەرمەن ىسكەرلىك قاتىناستاردى ىلگەرىلەتۋ جانە تسيفرلاندىرۋ جوبالارىن ماقسات ەتەدى.