الماتىدا جاسىل ەكونوميكا باسقارماسىنىڭ وتكەن جىلعى جۇمىسى قورىتىندىلاندى

الماتىدا العاش رەت قالا اكىمىنىڭ تاپسىرماسى بويىنشا ارىق جۇيەسىنە تۇگەندەۋ جۇرگىزىلدى. ونىڭ قورىتىندىسى بويىنشا ارىقتاردىڭ جالپى ۇزىندىعى 1525 شاقىرىمدى قۇرايدى. ونىڭ ىشىندە: اۋدان اكىمدىكتەرىنە قاراستى 1138 كم; اۋلالار اۋماعىندا  – 245 كم; ساياباق ايماقتارىندا – 60 شاقىرىم.

زەرتتەلگەن ارىقتاردىڭ ءار مەترى گاج جۇيەسىندە كورسەتىلگەن. ينتەراكتيۆتى كارتانىڭ كومەگىمەن الماتىداعى ارىقتاردىڭ جاي-كۇيى, ورنالاسۋى بويىنشا وزەكتى دەرەكتەردى كورۋگە بولادى. قاي كوشەدە, جولدىڭ قاي جاعىندا, باعىتى مەن تەڭگەرىمىندە ارىق بار, ونىڭ ەنى, ۇزىندىعى جانە باسقا دا سيپاتتامالارى كورسەتىلگەن.

«سيپاتتالعان ماسەلەلەرگە سۇيەنە وتىرىپ, ءبىز قانداي ماسەلەلەردى شەشەمىز؟ ءبىرىنشى قادام-ءبىز قالا تاريحىندا العاش رەت ارىق جەلىسىن تۇگەندەدىك. ءبىز ءار مەتردى ساناپ, ءبارىن ينتەراكتيۆتى كارتاعا تۇسىردىك. ەكىنشى قادام رەتىندە ءبىز ارىق جەلىلەرىن عانا ەمەس, جالپى سۋ شارۋاشىلىعى جۇيەسىن ءتيىمدى باسقارۋعا جاۋاپ بەرەتىن قالا بويىنشا بارلىق سۋ شارۋاشىلىعى نىساندارىن باسقارۋدىڭ بىرىڭعاي وپەراتورىن قۇرۋدى ۇسىنامىز», - دەپ اتاپ ءوتتى ن. ليۆينسكايا.

تۇگەندەۋ ناتيجەلەرى بويىنشا ارىق جەلىسىن قايتا قۇرۋ جوباسى جاسالدى. جالپى ۇزىندىعى 376 كم, وعان پروبلەمالىق ۋچاسكەلەر كىرەدى. جۇمىستار زەرتتەۋ جانە ازىرلەۋ ساتىسىندا, سودان كەيىن جوندەۋ باستالادى. ءبىرىنشى كەزەڭدە قالانىڭ باتىس بولىگىندە (الاتاۋ, اۋەزوۆ جانە ناۋرىزباي اۋداندارى) 120 كم ارىق قايتا جاڭارتۋ مەن جوندەۋگە تۇسەدى. 2022 جىلى كەزەڭ-كەزەڭمەن جوسپارلاۋ ءۇشىن قالانىڭ ورتالىق جانە شىعىس بولىگىندە جۇمىستى باستاۋ جوسپارلانۋدا.