كۇنى كەشە الىبەكوۆ جانىبەك تۇرار ۇلى الماتى قالاسىنداعى مامانداندىرىلعان حقو-دان جاڭا كولىگىنىڭ مەملەكەتتىك تىركەۋ ءنومىرى مەن تەحنيكالىق پاسپورتىن الدى. ول بۇل جولعى كولىگىنىڭ جىلدام ءارى وڭاي راسىمدەلگەنىنە قۋانىپ وتىر. جانىبەك جاڭا كولىگىن سمارتفونمەن-اق ساتىپ الىپ, راسىمدەپ ۇلگەرگەن.
بۇل Kaspi.kz. قوسىمشاسىندا ىسكە قوسىلعان ءموبيلدى بانكينگ ارقىلى كولىك قۇرالدارىن قايتا تىركەۋ سەرۆيسى ارقىلى مۇمكىن بولدى.
«ادەتتە, اۆتوكولىك ساتىپ الۋ, تىركەۋدەن شىعارۋدىڭ ۇزاق پروتسەسىنە جانە مامانداندىرىلعان حقو-عا بارۋعا بايلانىستى بولاتىن. ەندى Kaspi.kz. قوسىمشاسىندا ىسكە قوسىلعان ءموبيلدى بانكينگ ارقىلى كولىك قۇرالدارىن قايتا تىركەۋ سەرۆيسىن پايدالانا الامىز. وسىنداي قولايلى, ۋاقىتتى ۇنەمدەيتىن سەرۆيستەردىڭ ىسكە اسىپ جاتقانىنا قۋانىشتىمىز», - دەيدى جانىبەك الىبەكوۆ.
«ساتۋشى دا, ساتىپ الۋشى دا ءوز سمارتفوندارىنداعى قوسىمشا ارقىلى, اۆتو حقو-لارعا كەلمەي-اق كولىگىن راسىمدەي الادى. پاندەميا كەزىندە حقو-لاردا ادامداردىڭ كوپ جينالۋىنان تۋىندايتىن بەيبەرەكەتتىكتىڭ جولىن كەسۋدىڭ تاعى ءبىر وڭتايلى جولى – ءموبيلدى بانكينگ ارقىلى كولىك قۇرالدارىن قايتا تىركەۋ سەرۆيسى. بارلىق اۆتوسۇيەر قاۋىمعا وسى سەرۆيستى پايدالانۋعا كەڭەس بەرەمىز», - دەيدى «ازاماتتارعا ارنالعان ۇكىمەت» مەملەكەتتى كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.
كولىكتى ساتىپ الۋشى مەن ساتۋشى سمارتفوندارىن قولدانا وتىرىپ كولىكتى ساتىپ الۋ نەمەسە ساتۋ ءۇشىن كەلەسىدەي قادامدار جاسايدى:
اۆتوكولىكتى ساتۋ نەمەسە ساتىپ الۋ ءۇشىن قوسىمشانى اشىپ, "تولەمدەر"ساناتىن تاڭداۋ كەرەك. ءارى قاراي "مەملەكەتتىك قىزمەتتەر, ايىپپۇلدار مەن سالىقتار" تولەم ءتۇرىن تاڭداۋ كەرەك. مۇندا كوپتەگەن قىزمەتتەر اشىلادى. سونىڭ ىشىندە "كولىكتى قايتا رەسىمدەۋ" ساناتى تاڭدالادى.
وسىدان كەيىن ساتۋشى مەن ساتىپ الۋشىعا ارنالعان ارەكەتتەردىڭ ەكى نۇسقاسى اشىلادى. ياعني, ساتۋشى دا, ساتىپ الۋشى دا سمارتفوندارىنداعى الدىڭعى ايتىلعان قادامداردى ورىنداۋى كەرەك.
اۆتوكولىك ساتۋشىسى ءوزىنىڭ بانكتىك ءموبيلدى قوسىمشاسىندا "مەن ساتۋشىمىن" وپتسياسىن بەلگىلەپ, ساتۋ سوماسىن كورسەتەدى. سودان كەيىن ول ماشينانى سول قوسىمشادا ەسەپتەن شىعارادى.
ساتۋشى اۆتوكولىكتى ەسەپتەن شىعارعان كەزدە سەرۆيس كولىك قۇرالىنا اۋىرتپالىقتاردىڭ, ايىپپۇلداردىڭ جانە سالىق بەرەشەگىنىڭ بار-جوعىنا اۆتوماتتى تۇردە تەكسەرۋ جۇرگىزەدى. ەگەر تولەنبەگەن سالىقتار مەن ايىپپۇلدار بولسا, ساتۋشى ولاردى بىردەن قوسىمشادا تولەي الادى.
سودان كەيىن ساتىپ الۋشى "مەن ساتىپ الۋشىمىن" وپتسياسىن تاڭدايدى. بۇدان ءارى ول ء"اۆتوموبيلدى ەسەپكە قويۋ" باتىرماسىن باسىپ, وسى ءاۆتوموبيلدى ەسەپكە قويادى جانە ارنايى شوتقا ساتىپ الۋ ءۇشىن قاجەتتى سومانى ەنگىزەدى.
تىركەۋ بارىسىندا ول باج سالىعىن تولەيدى جانە ءنومىر بەلگىسىن تاڭدايدى. ماشينانى ساتىپ الۋشى تىركەگەننەن كەيىن ارنايى شوتتان اقشا اۆتوماتتى تۇردە ساتۋشىعا اۋدارىلادى.
مامىلە جاسالعاننان كەيىن ساتىپ الۋشى تەحپاسپورتتى جانە ءوزىنىڭ جاڭا اۆتوكولىگىنىڭ تىركەۋ نومىرلىك بەلگىلەرىن جەتكىزىپ بەرۋگە تاپسىرىس بەرە الادى. نەمەسە وزىنە ىڭعايلى, جاقىن جەردەگى مامانداندىرىلعان حقو-نى بەلگىلەپ, دايىن قۇجاتتاردى الىپ كەتۋىنە بولادى. قىزمەت 9:00-دەن 18:00-گە دەيىن قولجەتىمدى.
قىزمەتتەردى وسىلايشا ونلاين الىپ, ءوزىڭىزدى جانە جاقىندارىڭىزدى قورعاڭىزدار.