اقتوبە مىس كومپانياسى - مىس جانە مىس-مىرىش كەندەرىن وندىرۋگە جانە وڭدەۋگە ماماندانعان. كومپانيانىڭ وندىرىستىك نىساندارى قازاقستان رەسپۋبليكاسى اقتوبە وبلىسىنىڭ حرومتاۋ اۋدانىندا ورنالاسقان. كاسىپورىن وندىرىلەتىن شيكىزاتتى قايتا وڭدەۋشى جانە سونىمەن بىرگە ۆەسەننە-ارالچينسكوە كەن ورنىندا جەر قويناۋىن پايدالانۋشى بولىپ تابىلادى. امك ەكى بايىتۋ فابريكاسىنداعى كەندى وڭدەۋدىڭ جيىنتىق قۋاتى جىلىنا 5 ملن توننا كەندى قۇرايدى.
بۇگىندە كومپانيا قازاقستاندا ءۇش كەن ورنىن يگەرۋدە: پريورسكوە كەن ورنىندا اشىق كارەر, 2019 جىلى پايدالانۋعا بەرىلگەن قۇندىزدى كەن ورنىندا اشىق كارەر جانە ۆەسەننە-ارالچينسكوە كەن ورنىندا جەراستى كەنىشى. سوڭعى نىسانداردى ىسكە قوسۋ قاجەتتىلىگى 50 لەت وكتيابريا كەن ورنىن اشىق تاسىلمەن يگەرۋدىڭ اياقتالۋىمەن جانە جەر استى كەنىشىن سالۋعا بايلانىستى. كەن ورنىنداعى گەولوگيالىق قورلاردىڭ قالدىعى 9,7 ملن توننا مىس كەنىن قۇرايدى. ءوندىرۋ جۇمىستارىن 2023 جىلى باستاۋ جوسپارلانىپ وتىر. اشىق ءوندىرىس اياقتالعاننان كەيىن 2029 جىلى پريورسكوە كەن ورنى دا جەراستى جۇمىس ادىسىنە كوشىرىلەدى.
"ۆەسەننە-ارالچينسكوە" كەن ورنى شەكارالاس بولىپ تابىلادى – ونىڭ وڭتۇستىك بولىگى اقتوبە وبلىسىنىڭ حرومتاۋ اۋدانىندا, ال سولتۇستىك بولىگى رەسەيدىڭ ورىنبور وبلىسىنىڭ دومباروۆ اۋدانىندا ورنالاسقان. ونى ازىرلەۋدى "ورمەت" اق («رۋسسكايا مەدنايا كومپانيا» توبىنا كىرەدى) جۇزەگە اسىرادى. "ۆەسەننە-ارالچينسكوە" جەراستى كەنىشىنىڭ جوبالىق قۋاتى جىلىنا 500 مىڭ توننا كەندى قۇرايدى.
جاڭا كەن ورىندارىن يگەرۋ قاجەتتى جاعدايلاردى جانە ەڭ باستىسى وندىرىلگەن شيكىزاتتى ءتيىمدى وڭدەۋ مۇمكىندىگىن قامتاماسىز ەتۋگە ارنالعان بىرقاتار ىلەسپە جوبالارمەن بايلانىستى. قۇندىزدى مىس-مىرىش كەن ورنىن يگەرۋ تاجىريبەسى وسىعان دالەل. كارەردىڭ جوبالىق قۋاتى جىلىنا 2 ملن تونناعا دەيىن كەن وندىرۋگە ەسەپتەلگەن. كەن ورنىن يگەرۋگە جۇمسالعان ينۆەستيتسيالاردىڭ جالپى كولەمى $205 ملن قۇرادى. قۇندىزدى كەن ورنىندا وندىرىلەتىن مىس جانە مىس-مىرىش كەنى امك بايىتۋ فابريكاسىنىڭ قۋاتتىلىقتارىندا مىس جانە مىرىش كونتسەنتراتتارىن الۋ ءۇشىن قايتا وڭدەلەدى.
امك بايىتۋ فابريكالارىندا وڭدەلەتىن شيكىزاتتىڭ جالپى كولەمىندە مىس-مىرىش كەنى ۇلەسىنىڭ ۇلعايۋىنا بايلانىستى نەگىزگى تەحنولوگيالىق جابدىقتى جاڭعىرتۋ جۇرگىزىلدى. ول مىرىش فلوتاتسياسى فرونتىن كەڭەيتۋگە جانە وندىرىسكە مىس-مىرىش كەنىن جىلىنا 5 ملن تونناعا دەيىن تارتۋعا مۇمكىندىك بەردى. قۇندىزدى كەن ورنى كارەرىنىڭ الاڭىندا ينفراقۇرىلىم سالۋدان باسقا وبەكتىنى ەلەكتر ەنەرگياسىمەن قامتاماسىز ەتۋ جانە كەندى امك بايىتۋ فابريكالارىنا جەتكىزۋ ءۇشىن سىرتقى ينفراقۇرىلىم قۇرۋ قاجەت بولدى.
سونداي-اق, تاۋ-كەن ءوندىرۋ كەشەنىن دامىتۋ ماقساتىندا ليماننوە مىس-مىرىش كەن ورنىن يگەرۋ كوزدەلگەن. كەنىشتە مىس كەنىن ونەركاسىپتىك ءوندىرۋدى باستاۋ 2024 جىلعا جوسپارلانعان.
اقتوبە مىس كومپانياسىندا شامامەن 1 600 قىزمەتكەر ەڭبەك ەتەدى. بۇدان بولەك, جابدىقتاردى جوندەۋ جانە ۇستاۋ بويىنشا قىزمەت كورسەتۋ ماقساتىندا شتاتتىق سانى 600-گە جۋىق ادام مەردىگەرلىك ۇيىمدار تارتىلدى. كاسىپورىندا بۇكىل قازاقستاننىڭ ماماندارىن تارتا وتىرىپ, ۆاحتالىق جۇمىس ۇيىمداستىرىلدى.
كاسىپورىن رەسەي مەن قازاقستان اراسىنداعى ىنتىماقتاستىقتى نىعايتۋدا ماڭىزدى ءرول اتقارادى. كومپانيا الەۋمەتتىك ينفراقۇرىلىمدى دامىتۋعا قاراجاتتى بەلسەندى ينۆەستيتسيالاي وتىرىپ, ءوزى ورنالاسقان وڭىرلەردىڭ ستراتەگيالىق سەرىكتەسى بولىپ وتىر.