مەكتەپتەردە وقۋشىلار ورىندارى سانىن ۇلعايتۋ بارىسى قالاي ورىندالۋدا؟

اۋداندا وقۋشىلار مەن مەكتەپكە دەيىنگى ورىنداردىڭ تاپشىلىعىن قىسقارتۋ جانە ءبىلىم بەرۋ ساپاسىن ارتتىرۋ ماقساتىندا اۋداندا جالپى ءبىلىم بەرۋ مەكەمەلەرىنىڭ قۇرىلىسى مەن كۇردەلى جوندەۋ جۇمىستارى جۇرگىزىلۋدە. № 140 گيمنازياعا جاپسارلاس 300 ورىنعا ارنالعان قۇرىلىس اياقتالدى. №38 جانە №60 گيمنازيالارعا, سونداي-اق №191 جالپى ءبىلىم بەرەتىن مەكتەپكە جاپسارلاس قۇرىلىس سالۋ جالعاسۋدا. №40, 45, 81 3 مەكتەپتە سەيسميكالىق كۇشەيتۋمەن كۇردەلى جوندەۋ جۇرگىزىلۋدە. 28 بالاباقشادا جوندەۋ جۇمىستارى اياقتالدى. «اسىل تاۋ» تۇرعىن ءۇي كەشەنىنىڭ اۋماعىندا 195 ورىندىق №191 بالاباقشانىڭ قۇرىلىسى اياقتالدى. نۇر الاتاۋ شاعىن اۋدانىندا 45 ورىندىق «التار» جەكە مەنشىك بالاباقشاسى اشىلدى. №113 بوبەكجاي عيماراتىن قالپىنا كەلتىرۋ جۇمىستارىمەن سەيسميكالىق نىعايتۋ جانە كۇردەلى جوندەۋ جوسپارلانۋدا.

قولدانىستاعى 250 ورىندىق عيماراتتى بۇزا وتىرىپ, م.تولەباەۆ اتىنداعى №5 مۋزىكالىق مەكتەپ عيماراتىنىڭ قۇرىلىسى اياقتالدى. كوپبالالى جانە از قامتىلعان وتباسىلاردىڭ بالالارى ءۇشىن تەگىن نەگىزدە «اۋەن الەمى» مەكتەبى اشىلدى.

«وسى جىلى ءبىز ءبىلىم سالاسىنا باسا نازار اۋدارۋدى جوسپارلاپ وتىرمىز. ءبىزدىڭ اۋداندا 56 مەملەكەتتىك جانە جەكەمەنشىك مەكتەپ جۇمىس ىستەيدى, سونىمەن قاتار 5375 وقۋشى ورنىنىڭ تاپشىلىعى بار. ءبىزدىڭ اۋداندا جاڭا مەكتەپتەر سالۋ ءۇشىن جەر تەلىمدەرى جوق ەكەنى بارشاعا ءمالىم. سوندىقتان وقۋشى ورىندارىنىڭ تاپشىلىعى ماسەلەسى قولدانىستاعى وقۋ ورىندارىنا قوسىمشا قۇرىلىس سالۋ ارقىلى شەشىلۋدە», - دەپ اتاپ ءوتتى اۋدان اكىمى.

بيىل 3000 ورىندىق بەس مەكتەپكە جاپسارلاس قۇرىلىس سالۋدى اياقتاۋ جوسپارلانۋدا. بۇدان باسقا, ءۇش مەكتەپتە جانە ءبىر بالاباقشادا سەيسميكالىق كۇشەيتۋ جانە كۇردەلى جوندەۋ جۇمىستارىن جۇرگىزۋ جوسپارلانۋدا.

سونىمەن بىرگە اۋداندا ءۇش دارىگەرلىك امبۋلاتوريا جۇمىس ىستەيدى, «ميپو»كلينيكاسىنىڭ قۇرىلىسى اياقتالدى. كلينيكانىڭ قۋاتتىلىعى 40 وڭالتۋ توسەگىن قۇرايدى, 100 ادامعا ارنالعان جاڭا جۇمىس ورىندارى قۇرىلدى.

قالا اكىمى باقىتجان ساعىنتاەۆتىڭ تاپسىرماسى بويىنشا ساپالى مەديتسينالىق قىزمەت كورسەتۋ جانە اۋدان تۇرعىندارىنا مەديتسينالىق كومەكتىڭ قادامدىق قولجەتىمدىلىگىن قامتاماسىز ەتۋ ءۇشىن اعىمداعى جىلى 2 دارىگەرلىك امبۋلاتوريا اشۋ جوسپارلانۋدا. سونداي-اق, بالالار قالالىق كلينيكالىق جۇقپالى اۋرۋلار اۋرۋحاناسىنىڭ عيماراتىنا 70 توسەك-ورىنعا ارنالعان قوسىمشا قۇرىلىس سالۋ بويىنشا جۇمىستار باستالادى.

اۋداندا سونداي-اق «شىراق» مۇگەدەكتىگى بار ايەلدەر قاۋىمداستىعى قب جانىندا «Ten Qogam» الەۋمەتتىك ورتالىعى جۇمىس ىستەيدى. جىل باسىنان بەرى جانە كارانتين كەزىندە بارلىعى 21 576 كومەك كورسەتىلدى. ونىڭ ىشىندە كوپ بالالى جانە از قامتىلعان وتباسىلار - 17 528, مۇگەدەكتەر - 2275, ارداگەرلەر مەن زەينەتكەرلەر - 1773.

كەزدەسۋ بارىسىندا اۋدان اكىمى تۇرعىنداردىڭ تۇرعىن ءۇي-كوممۋنالدىق جاعدايىن جاقسارتۋ ءۇشىن «نۇرلى جەر» باعدارلاماسى بويىنشا 39 كپتۇ جوندەۋ جۇمىستارىن جۇرگىزۋ جوسپارلانعانىن اتاپ ءوتتى.

«شەتسىز قالا» قاعيداتى بويىنشا قالانى دامىتۋ تۋرالى قالا باسشىلىعىنىڭ تاپسىرماسىنا سايكەس اۋداندا قوسىلعان كەنتتەردىڭ تۇرعىندارىن ساپالى اۋىز سۋمەن قامتاماسىز ەتۋ بويىنشا جۇمىستار جۇرگىزىلۋدە. ول ءۇشىن نۇرلىتاۋ شاعىن اۋدانىندا ونىمدىلىگى تاۋلىگىنە 9 000 تەكشە مەتر تازارتۋ قۇرىلىستارىن, ۇزىندىعى 42 كم سۋمەن جابدىقتاۋ جانە سۋ بۇرۋ جەلىلەرىن سالۋعا ارنالعان جوبالاۋ-سمەتالىق قۇجاتتامانى ازىرلەۋدى اياقتاۋ جوسپارلانۋدا.

سونىمەن قاتار, ۇزىندىعى 3,4 كم سۋمەن جابدىقتاۋ, 2,5 كم جىلۋمەن جابدىقتاۋ جانە 19,8 كم گازبەن جابدىقتاۋ جەلىلەرىن رەكونسترۋكتسيالاۋ جانە جاڭالارىن سالۋ جوسپارلانۋدا. «بۇگىنگى تاڭدا اۋداندى گازبەن 100% قامتاماسىز ەتۋ مىندەتى تۇر. اۋداندا 6363 جەكە سەكتور ۇيلەرى بار, ولاردىڭ 99,5% - ى گازداندىرىلعان. قالعان 158 ءۇي اعىمداعى جىلى گاز قۇبىرىنا قوسىلاتىن بولادى», - دەدى ا.راحىمبەتوۆ. اۋدانداعى گاز قۇبىرى جەلىلەرىنىڭ ۇزىندىعى 449 كم. وتكەن جىلى 128 جەكە ءۇي گازداندىرىلدى.

اۋدان اكىمى اباتتاندىرۋ, جارىقتاندىرۋ, جول-كولىك ينفراقۇرىلىمىنا دا توقتالىپ, «بيۋدجەتكە قاتىسۋ» جوباسى اياسىندا اۋداندا وتكەن جىلى 13 ميلليون تەڭگەگە 3 جوبا ىسكە اسىرىلعانىن جەتكىزدى.وسى جىلى 772 ملن تەڭگە سوماسىنا 25 جوبانى ىسكە اسىرۋ جوسپارلانىپ وتىر. بۇل جوبالار: ۇلكەن الماتى وزەنىنىڭ جاعالاۋىن اعىمداعى جوندەۋ, كوكشوقى شاعىن اۋدانداعى جارىقتاندىرۋدى جوندەۋ. باعاناشىل شاعىن اۋدانىنداعى قالا تۇرعىندارىنىڭ دەمالىسىنا ارنالعان شاعىن باق., № 3 وقۋشىلار ءۇيىنىڭ اۋماعىن اعىمداعى جوندەۋ جانە ت. ب.

قوعامدىق قاۋىپسىزدىك جانە كارانتيندىك شارالاردىڭ ساقتالۋىنا توقتالعان اۋدان اكىمى قۇقىقتىق ءتارتىپتى نىعايتۋ, بوستاندىق اۋدانى تۇرعىندارىنىڭ قاۋىپسىزدىگىن قامتاماسىز ەتۋ ءۇشىن 5 ستاتسيونارلىق مودۋل ورناتىلعانىن جەتكىزدى. كارانتين رەجيمىنىڭ بۇزىلۋىنا مونيتورينگ جۇرگىزۋ جانە انىقتاۋ ماقساتىندا 4 ءموبيلدى توپ جۇمىس ىستەيدى.

وتكەن جىلى ولار 3 447 نىساندى تەكسەرىپ, 797 حاتتاما تولتىرعان.