ورال قالاسىنداعى كوپ قاباتتى ۇيلەردىڭ بىرىندەگى پاتەردە ءورت شىعىپ, ونىڭ تۇتىنىنەن كورشى پاتەردە تۇراتىن قوس قىز بالا تۇنشىعا جازداعان. قۇتقارۋشىلار پاتەردىڭ تەمىر ەسىگىن بۇزىپ اشىپ, سابيلەردى قۇتقاردى, دەپ حابارلايدى Egemen.kz.
ورال قالاسىنداعى اقوتاۋ كوشەسىندە ورنالاسقان 5 قاباتتى تۇرعىن ءۇيدىڭ ءبىر پاتەرىنەن ءورت شىقتى. پاتەر تۇرعىندارى مەن ولاردىڭ كورشىلەرىن قاۋىپسىز جەرگە ەۆاكۋاتسيالاپ جاتقان قۇتقارۋشىلار ءبىر پاتەردەن جىلاعان بالا داۋىسىن ەستىپ قالادى. ول ۇيدە ەرەسەكتەر بولماعان, كىشكەنتاي ەكى قىز عانا بار ەدى. ءورت ءسوندىرۋشى-قۇتقارۋشىلار دەرەۋ پاتەردىڭ ەسىگىن بۇزىپ, تۇتىننەن قاتتى تۇنشىعىپ جاتقان بالالاردى دالاعا شىعاردى. بۇل كەزدە جەدەل-جاردەم قىزمەتكەرلەرى دە وقيعا ورنىنا كەلىپ تۇرعان ەدى. ابىروي بولعاندا سابيلەردىڭ دەنساۋلىعىنا قاۋىپ جوق, تەك قاتتى قورقىپ قالعان ەكەن. ءورت ءسوندىرۋ قىزمەتىنىڭ پسيحولوگى بالالارعا پسيحولوگيالىق كومەك كورسەتتى. بالالاردى جەدەل جاردەم قىزمەتى كوپبەي̆ىندى بالالار اۋرۋحاناسىنا جەتكىزدى.
بالالاردىڭ اتا-اناسى سابيلەردى قۇتقارعان بارلىق قۇتقارۋشىلارعا, ءورت سوندىرۋشىلەرگە زور العىسىن ايتۋدا.