ءوز ۇيىندە قارۋ-جاراق جاساپ, اتىلاتىن قارۋلاردى زاڭسىز جوندەۋمەن اينالىسقانى ءۇشىن ورال قالاسىنىڭ 62 جاستاعى تۇرعىنى تۇتقىندالدى, دەپ حابارلايدى Egemen.kz.
1959 جىلى تۋعان ازامات قارۋ-جاراقتى ءوزىنىڭ جاتىن بولمەسىندە جاساعان. قىلمىستىڭ ىزىنە تۇسكەن پوليتسيا جانە ۇلتتىق قاۋىپسىزدىك كوميتەتى قىزمەتكەرلەرى وقيعا ورنىن تەكسەرگەن كەزدە, ف. دەگەن ازاماتتىڭ ءۇيىنىڭ ءبىر بولمەسى قادىمگىدەي تسەحقا اينالعانى بەلگىلى بولدى. مۇندا نەشە ءتۇرلى قارۋ-جاراق, ونىڭ بولشەكتەرى, قۇرالدار تابىلعان.
«قازىرگى ۋاقىتتا قارۋدى زاڭسىز دايىنداۋ فاكتىلەرى بويىنشا قازاقستان رەسپۋبليكاسى قىلمىستىق كودەكسىنىڭ 287-بابىنىڭ 3-بولىگى جانە 288-بابىنىڭ 2-بولىگى بويىنشا سوتقا دەيىنگى تەرگەۋ ارەكەتتەرى جۇرگىزىلۋدە» دەپ حابارلادى پوليتسيانىڭ ءباسپاسوز قىزمەتى.
ءبىر قىزىعى, اۋىر قىلمىس ءۇشىن ايىپتالىپ وتىرعان بۇل ازامات بۇدان بۇرىن دا ءدال وسىنداي قىلمىسى ءۇشىن جاۋاپكەرشىلىككە تارتىلعانى بەلگىلى بولدى. ياعني ول بۇعان دەيىن بىرنەشە رەت اتىس قارۋىن, ولاردىڭ كومپونەنتتەرىن زاڭسىز جاساعان, جوندەگەن, ءتىپتى وق-دارىلەردى دە زاڭسىز وندىرۋمەن اينالىسقان.