ەندىگى جەردە الماتىدا بالامالى حابار تاراتۋ تاجىيبەسى تولىعىمەن تاريح قويناۋىنا ەندى دەسە دە بولادى. قالا اكىمى ءوزىنىڭ Instagram-داعى پاراقشاسىندا تسيفرلاندىرۋدىڭ جاڭا كەزەڭىنىڭ باستاۋ الۋىمەن انالوگتىق حابار تاراتۋدىڭ تاريح قويناۋىنا ەنەتىنىن اتاپ ءوتتى.
«جوبانى كەزەڭ-كەزەڭمەن ىسكە اسىرۋ كەزىندە الماتى مەن وبلىستاعى 90 تسيفرلى راديوتەلەۆيزيالىق ستانسا پايدالانۋعا بەرىلدى. بۇل – 3,8 ميلليوننان استام تۇرعىنى بار 736 ەلدى-مەكەندى تسيفرلىق ەفيرلىك تەلەحابار تاراتۋ جۇيەسىمەن قامتۋعا مۇمكىندىك اشتى», - دەپ جازدى ب. ساعىنتاەۆ.
تسيفرلىق ستاندارت وتاندىق تەلەارنالاردىڭ حابار تاراتۋ ۇلەسىن ۇلعايتىپ, ەلدىڭ اقپاراتتىق رەسۋرسىنا تەڭ قۇقىقتى قولجەتىمدىلىكتى قامتاماسىز ەتەدى. بۇعان دەيىن 4-5 تەلەارنانىڭ ورنىنا قازاقستاندىق 30-عا جۋىق تەلەارنانى تاڭداۋعا مۇمكىندىك بار. بۇل رەتتە قىمبات سپۋتنيكتىك تاباقتى ورناتۋدىڭ دا, كابەلدىك وپەراتورعا اقى تولەۋدىڭ دە قاجەتى جوق. الەۋمەتتىك وسال توپتاعى ازاماتتار سيگنال قابىلداعىشتار ارقىلى تەگىن قامتاماسىز ەتىلەدى.
«تسيفرلى» رەجيمگە كوشۋدىڭ رەسمي ءراسىمى «كوكتوبە» تەلەمۇناراسىندا ءوتتى. ول رەسپۋبليكاداعى ەڭ بيىك جانە تەك الماتى اۋماعىن عانا ەمەس, سونىمەن قاتار جاقىن ماڭداعى 200 ەلدى مەكەندى تسيفرلىق سيگنالمەن قامتيدى. بۇل الماتى وبلىسى تۇرعىندارىنىڭ 40%-ىن قۇرايدى.
الماتى