باتىس قازاقستان وبلىستىق پوليتسيا دەپارتامەنتى جول ساپاسىن جاقسارتۋعا بايلانىستى بۇعان دەيىن بەرىلگەن ۇسىنىمحاتتاردى ورىنداماعانى ءۇشىن «قازاقاۆتوجول»مەكەمەسىنە قاتىستى 2 حاتتاما تولتىرىپ, ماتەريالداردى سوتقا جولدادى دەپ حابارلايدى Egemen.kz.
پوليتسيانىڭ حابارلاۋىنشا, وبلىس اۋماعىندا اۋا رايىنىڭ قولايسىزدىعىنان 16 مارتە جول-كولىك وقيعاسى بولىپ, كولىك يەلەرى ماتەريالدىق شىعىنعا باتقان. جولدىڭ ساپاسىنا جاۋاپ بەرەتىن 17 لاۋازىمدى تۇلعانىڭ اكىمشىلىك جاۋاپكەرشىلىككە تارتىلعانى بەلگىلى بولدى. ودان بولەك, حالىقارالىق جانە رەسپۋبليكالىق ماڭىزى بار جولداردى قار مەن مۇزدان تازارتۋ جونىندەگى ۇيعارىمدى ۋاقىتىندا ورىنداماعانى ءۇشىن «قازاقاۆتوجول» مەكەمەسىنىڭ وبلىستىق فيليالىنا قاتىستى ءىس ورال قالالىق مامانداندىرىلعان اكىمشىلىك سوتىنا جولدانعان.
باتىس قازاقستان وبلىسى اۋماعىندا رەسپۋبليكالىق ماڭىزى بار جولداردىڭ كولەمى 1414 كم. وسى جولدى 2021 جىلى كۇتىپ ۇستاۋعا رەسپۋبليكا بيۋدجەتىنەن 850 ملن تەڭگەبولىنگەن.
سوڭعى كۇندەرى وبلىس اۋماعىندا جاڭبىر جاۋىپ, تۇمان ءتۇسىپ, جول قاتىناسى تاعى قيىندادى. 1 اقپان كۇنى ورال-اتىراۋ تاس جولىندا لادا لارگۋس جانە Datsun اۆتوكولىكتەرى ءبىر-بىرىنە سوعىلىپ, 7 ادام اقجايىق اۋداندىق اۋرۋحاناسىنا جاتقىزىلعان.
3 اقپان كۇنى وبلىستا قالىڭ تۇمان مەن كوكتايعاق قاتەرىنە بايلانىستى توتەنشە جاعدايلار دەپارتامەنتى حابارلاما تاراتقان ەدى. پوليتسيا اۆتوكولىكتەردى ورال قالاسىنان شىعارماي جاتىر.
باتىس قازاقستان