№36 قالالىق ەمحانا قىزمەتكەرلەرى رەسەيلىك Sputnik V ۆاكتسيناسىن سالدىرعانداردىڭ ەڭ العاشقىسى ەكەنىن ايتا كەتكەن ءجون. ەمحانانىڭ باس دارىگەرى گۇلجاينات تىلەگەن اتاپ وتكەندەي, جالپى ناۋرىزباي اۋدانى بويىنشا 4 ەمحانانىڭ 160 مەديتسينا قىزمەتكەرىنە ەكپە سالىندى.
«ونىڭ ىشىندە, ءبىزدىڭ ەمحانىمىزدان 84 قىزمەتكەر بار. بارلىق مەديتسينا قىزمەتكەرلەرى ءوز ەركىمەن ۆاكتسينا الۋ تۋرالى ءوتىنىش بەردى. ەگۋ الار الدىندا بارلىق قىزمەتكەرلەر دارىگەردىڭ تەكسەرىسىنەن ءوتتى. ەكپە الۋ الدىندا بارلىق قىزمەتكەرلەر دارىگەردىڭ تەكسەرىسىنەن وتەدى. مۇندا دەنە قىزۋى تەمپەراتۋراسى ولشەنەدى, ەپيدەميولوگيالىق سىرتارتقىسى (انامنەزى) قارالادى, ۋىتتى زاتتارعا دەگەن اسەرى, جۇرەك سوعىسىنىڭ جيىلىگى جانە ت.ب. ەگەر دە دەنە قىزۋى تەمپەراتۋراسى 37° س-دان اسقان جاعدايدا ۆاكتسينا سالىنبايدى. ءبىر تۇتى 5 ادامعا سانالعان. ەكپەدەن سوڭ قىزمەتكەرلەر جارتى ساعاتتىڭ ىشىندە ارنايى قاراستىرىلعان كابينەتتە ارىپتەستەردىڭ باقىلاۋىندا بولادى. قازىرگى تاڭدا, ەكپە العانداردىڭ جاي-كۇيى جاقسى, ەشقانداي جاناما اسەر بەرگەن ەمەس»- دەپ ايتتى گۇلجاينات تىلەگەن. 10 ادام سوماتيكالىق اۋرۋلار انىقتالعان سەبەپتى مەديتسينالىق تۇرعىدا نارازىلىق الدى. بۇل ادامدار ءۇشىن ۆاكتسيناتسيا تولىق قالپىنا كەلگەنگە دەيىن 2-4 اپتاعا كەيىنگە قالدىرىلادى.
الماتى قالاسى قوعامدىق دەنساۋلىق باسقارماسىنىڭ اقپاراتى بويىنشا, اقپان ايىندا تىزىمدە كورسەتىلگەندەي 2050 ادام ۆاكتسينا الۋى ءتيىس. ولاردىڭ ىشىندە, ەڭ الدىمەن يممۋنداۋدان جۇقپالى اۋرۋلار اۋرۋحاناسىنىڭ جۇمىسكەرلەرى, جەدەل مەديتسينالىق جاردەم, جان ساقتاۋ, مەديتسينالىق-سانيتارلىق العاشقى كومەك (مساك), قابىلداۋ بولىمشەسىنىڭ, سانيتارلىق-ەپيدەميولوگيالىق قىزمەتتىڭ قىزمەتكەرلەرى وتەدى. ەكىنشى ساتىدا ۆاكتسينامەن جالپى ءبىلىم بەرەتىن مەكتەپتىڭ, جوعارى وقۋ ورىندارىنىڭ, ءبىرىنشى ساتىعا كىرمەگەن مەديتسينالىق قىزمەت جۇمىسكەرلەرىن قامتيدى. ءۇشىنشى ساتىعا مەكتەپ-ينتەرناتتىڭ, مەكتەپكە دەيىنگى بالالار مەكەمەسىنىڭ پەداگوگتارى, ستۋدەنتتەر جانە سوزىلمالى اۋرۋمەن اۋراتىن ادامدار, الەۋمەتتىك-مەديتسينالىق مەكەمە جۇمىسكەرلەرى جاتادى.
الماتى