الماتىدا 1 اقپاننان باستاپ COVID-19-عا قارسى ۆاكتسيناتسيالاۋ باستالعانى بەلگىلى. كوروناۆيرۋسقا قارسى جاپپاي يممۋنداۋدىڭ ءبىرىنشى كەزەڭىندە: ينفەكتسيالىق اۋرۋحانالاردىڭ, جەدەل مەديتسينالىق جاردەمنىڭ, رەانيماتسيا بولىمشەلەرىنىڭ, قابىلداۋ بولمەلەرىنىڭ مەديتسينا قىزمەتكەرلەرى, سانەپيدقىزمەت قىزمەتكەرلەرى ۆاكتسيناتسيالانادى.
ۆاكتسيناتسيا جۇرگىزۋ ماقساتىندا پروفيلاكتيكالىق ەگۋلەر جۇرگىزۋ پۋنكتتەرى جۇمىس ىستەيدى. بارلىعى 40 مساك انىقتالدى. العاشقى كۇنى الماتىدا 360 ادام ەگىلدى.
ءوز كەزەگىندە سانيتارلىق-ەپيدەميولوگيالىق باقىلاۋ دەپارتامەنتىنىڭ ينفەكتسيالىق جانە پارازيتتىك اۋرۋلاردى باقىلاۋ ءبولىمىنىڭ باسشىسى الماش احمەتوۆا ۆاكتسيناتسيا جۇرگىزۋدىڭ ماڭىزدىلىعىن ءتۇسىندىردى.
«الەمدەگى پاندەمياعا بايلانىستى 2020 جىلدىڭ ناۋرىز ايىنان باستاپ قالادا كوروناۆيرۋستىق ينفەكتسيا بويىنشا ەپيدەميالىق قولايسىزدىق بايقالۋدا. COVID-19-بۇل جاڭا ينفەكتسيا بولعاندىقتان, حالىقتىڭ كوپشىلىگىندە بۇل ينفەكتسياعا قارسى وزىنە ءتان يممۋنيتەت جوق. كۆي پاتسيەنتتەرىن ءتيىمدى ەمدەۋ ءۇشىن ارنايى پرەپاراتتار جوق, سونىڭ سالدارىنان اۋرۋدىڭ اسقىنۋى جايسىز جاعدايلارعا الىپ كەلەتىنى بايقالادى», - دەپ حابارلادى الماش احمەتوۆا.
ماماننىڭ ايتۋىنشا, جۇرگىزىلىپ جاتقان شەكتەۋ, سانيتارلىق-پروفيلاكتيكالىق, سانيتارلىق-ەپيدەمياعا قارسى ءىس-شارالار كەشەنى حالىق اراسىندا ينفەكتسيانىڭ تارالۋىن ۋاقىتشا توقتاتۋعا مۇمكىندىك بەرەدى. وسىعان بايلانىستى ۆاكتسيناتسيا قاجەتتى شارا بولىپ تابىلادى.
كوروناۆيرۋستىق ينفەكتسيا بويىنشا ەپيدەميالىق جاعدايدى تۇراقتاندىرۋدى قامتاماسىز ەتۋ, پاندەمياعا قارسى ءىس-قيمىل جانە حالىقتى كوروناۆيرۋستىق ينفەكتسيادان ەرەكشە قورعاۋمەن قامتاماسىز ەتۋ ماقساتىندا قازاقستان رەسپۋبليكاسى پرەزيدەنتىنىڭ تاپسىرماسى بويىنشا قر باس مەملەكەتتىك سانيتاريالىق دارىگەرىنىڭ 27.01.2021 جىلعى №3 قاۋلىسىنا سايكەس حالىقتىڭ ءارتۇرلى توپتارىنىڭ ەپيدەميولوگيالىق ماڭىزدىلىعىن ەسكەرە وتىرىپ (باسىمدىعى بويىنشا) COVID-19-عا قارسى ۆاكتسيناتسيالاۋدى كەزەڭ-كەزەڭىمەن جۇرگىزۋ باستالدى. كوروناۆيرۋستىق ينفەكتسيانى جۇقتىرۋ جانە تاراتۋ قاۋپى جوعارى حالىقتىڭ الەۋمەتتىك وسال توپتارى ودان ءارى يممۋنداۋعا جاتاتىن حالىقتىڭ قالعان توپتارىن قامتي وتىرىپ, ۆاكتسيناتسيالاۋعا جاتادى.
كوروناۆيرۋستىق ينفەكتسياسىن جۇقتىرۋ جانە ونى تاراتۋ قاۋپى جوعارى توپتار ءۇشىن ۆاكتسيناتسيالاۋ تمككك ەسەبىنەن تەگىن جۇرگىزىلەدى.
ەستەرىڭىزگە سالا كەتەيىك, العاشقى بولىپ ەرىكتى تۇردە الماتى قالاسى اكىمىنىڭ ورىنباسارى ە. باباقۇماروۆ, قوعامدىق دەنساۋلىق ساقتاۋ باسقارماسىنىڭ باسشىسى ن.تابىنباەۆ جانە قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ج. بەكشين, سونداي-اق ءماسليحات دەپۋتاتى, №5 قكا باس دارىگەرى ب. سادىقوۆ ۆاكتسيناتسيادان ءوتتى.
الماتى اكىمىنىڭ ورىنباسارى ەرجان باباقۇماروۆ اتاپ وتكەندەي, «ۆاكتسيناتسيا – كوروناۆيرۋستىق ينفەكتسياعا قارسى تۇرۋدىڭ جالعىز ءادىسى. ءومىردىڭ بۇرىنعى ىرعاعىنا ورالۋ ءۇشىن ۆيرۋسپەن كۇرەسۋدىڭ وسى ءتيىمدى كەزەڭىنەن ءوتۋ كەرەك. قوعامدىق دەنساۋلىق جانە ارقايسىمىزدىڭ, جاقىندارىمىزدىڭ دەنساۋلىعى وسىعان بايلانىستى».
قازاقستاندا ۆاكتسيناتسيا ەرىكتى بولىپ تابىلاتىنىن اتاپ وتكەن ءجون. قر «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 77-بابىنا سايكەس كەز كەلگەن مەديتسينالىق ءراسىم, ونىڭ ىشىندە ۆاكتسيناتسيا ەگىلۋشىنىڭ تەك اقپاراتتاندىرىلعان كەلىسىمىمەن عانا جۇرگىزىلەدى. قازاقستاندا ۆاكتسيناتسيادان باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك قاراستىرىلماعان.