ەلوردادا مەمباعدارلامامەن باسپانا ۋادە ەتكەن الاياق سوتتالدى

«27 جاستاعى كەلىنشەك مەملەكەتتىك باعدارلامامەن كەزەكتەن تىس تۇرعىن ءۇي الىپ بەرۋگە ۋادە بەرگەن. ول ازاماتتاردان ءارتۇرلى سومادا قاراجات الىپ وتىرعان. انىقتالعانداي, كۇدىكتى 2015-2017 جىلدار ارالىعىندا ادامداردىڭ سەنىمىنە كىرىپ, ءىرى مولشەردە ماتەريالدىق شىعىن كەلتىرگەن. جالپى سوما شامامەن 300 ملن تەڭگەنى قۇرايدى», دەدى قالالىق پوليتسيا دەپارتامەنتىنەن.

كۇدىكتى ءوز كىناسىن تولىق مويىنداپ, №2 «سارىارقا» اۋداندىق سوتىنىڭ شەشىمىمەن قك 190-بابى 4-بولىگى, 2-تارماعىمەن 7 جىلعا باس بوستاندىعىنان ايىرىلدى.

دەپارتامەنت قىزمەتكەرلەرى اتالعان قىلمىستىق ارەكەتتەن زارداپ شەككەن تۇلعالار بار بولسا نۇر-سۇلتان قالاسى پوليتسيا دەپارتامەنتىنە حابارلاسۋلارىن سۇرادى.