اتىراۋ وبلىسىنىڭ قۇرمانعازى اۋدانىندا تۇراتىن 34 جاستاعى تۇرعىننىڭ 106 كيىك ءمۇيىزى مەن تەگىز ۇڭعىلى ەكى مىلتىقتى زاڭسىز ساقتاعانى انىقتالىپ وتىر.
«بالقۇدىق اۋىلىنىڭ 34 جاستاعى تۇرعىنى تۇنگى مەزگىلىندە «Yaqi» موتوكولىگىمەن تىيىم سالىنعان كيىكتى اڭشىلىق قارۋىمەن اتىپ, ءمۇيىزىن زاڭسىز يەمدەنەنى انىقتالدى. سونداي-اق, بالقۇدىق اۋىلىنىڭ ماڭىنان مۇيىزدەرى كەسىلگەن كۇيدەگى كيىك جانۋارىنىڭ ءتورت ولىگى تابىلدى», دەپ حابارلادى دەپارتامەنتتىڭ ءباسپاسوز قىزمەتىنەن.
قازىر اتالعان دەرەككە قاتىستى قر قىلمىستىق كودەكسىنىڭ 339-بابى, 3-بولىگىمەن (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سوتقا دەيىنگى تەرگەۋ باستالدى.