سارىاعاشتىق پوليتسەيلەر ەكى دانا مۇشەقاپقا ەسىرتكى ساقتاپ, شەكارادان وتپەك بولعان كۇدىكتىنى ۇستادى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
سارىاعاش اپب كەزەكشى ءبولىمىنىڭ 102 پۋلتىنە «جىبەك جولى» شەكارا بەكەتىندە ەسىرتكى كونترابانداسىنىڭ جايتى انىقتالعانى تۋرالى حابارلاما كەلىپ ءتۇستى. وقيعا ورنىنا كەلگەن پوليتسەيلەر وتكىزۋ پۋنكتىنەن ءوتۋ كەزىندە شەتەلدىكتەردىڭ بىرىنە «ليندا» اتتى قىزمەتتىك يت بەلگى بەرگەنىن انىقتادى. جەدەل ۋاكىلدەر كۇدىكتىنى, قازاقستان ازاماتىن ءتىنتۋ كەزىندە بۇتىنا كيگەن شالبارىنىڭ اراسىندا ەكى دانا مۇشەقاپقا ورالعان ەسىرتكى زاتىنا ۇقساس زات تابىلىپ, تاركىلەنىپ الىندى.
ءتارتىپ ساقشىلارى ۇستالعان ەر ادامدى اۋداندىق پوليتسيا بولىمىنە جەتكىزدى. ساراپتاماعا سايكەس, الىنعان وسىمدىك تەكتەس زات سالماعى 2 گرامنان اساتىن «اپيىن» بولىپ شىقتى. قازىرگى ۋاقىتتا اتالعان جايت بويىنشا قر قك-ءنىڭ 286-بابى (اينالىستان الىپ قويىلعان زاتتاردىڭ نەمەسە اينالىسى شەكتەلگەن زاتتاردىڭ كونترابانداسى) سوتقا دەيىنگى تەرگەۋ امالدارى جۇرگىزىلۋدە. بۇگىنگى تاڭدا شىمكەنت قالاسىنىڭ تۇرعىنى قاماۋعا الىندى. تەرگەۋ وقيعانىڭ بارلىق ءمان-جايدى انىقتايدى.
ءوز كەزەگىندە تۇركىستان وبلىسىنىڭ پوليتسەيلەرى ەسىرتكى زاتتارىن زاڭسىز ساقتاعانى, وتكىزگەنى, وسىرگەنى جانە كونترابانداسى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى. سونىمەن قاتار, ءتارتىپ ساقشىلارى وبلىس تۇرعىندارىن زياندى ادەتتەردەن باس تارتىپ, سالاۋاتتى ءومىر سالتىن ۇستانۋعا شاقىرادى. ەگەر سىزدە ەسىرتكىنىڭ زاڭسىز اينالىمىنا بايلانىستى دەرەكتەر تۋرالى قانداي دا ءبىر اقپارات بىلسەڭىز, تەز ارادا پوليتسياعا «102» تەلەفونى بويىنشا حابارلاسىڭىز.