اقتوبە قالاسىندا دارىگەرلەر مەن مەملەكەتتىك قىزمەتكەرلەر ۆاكتسينا قابىلدادى, دەپ حابارلايدى Egemen.kz
العاشقى كۇنى 94 ادامعا ەكپە بەرىلدى. وتكەن تاۋلىكتە اقتوبە وبلىسىندا 3 ادامنان كوروناۆيرۋس ينفەكتسياسى انىقتالدى.
قازىرگى كەزدە قالاداعى № 2, 3, 4 ەمحانالاردا, وتباسىلىق مەديتسينا ورتالىعىندا, وبلىستىق كەڭەس بەرۋ-دياگنوستيكالىق ورتالىعىندا, «مەديكۋس» ورتالىعىندا «قىزىل» ايماقتا جۇرگەن اق حالاتتىلار ەكپە قابىلداپ جاتىر. ولار: ينفەكتسيالىق, كارانتيندىك ستاتسيونار قىزمەتكەرلەرى, ەپيدەميولوگتار. كەشە وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ تا ۆاكتسينا سالدىردى. بۇل جۇمىسقا 189 مەديتسينا قىزمەتكەرى تارتىلعان. ءبىرىنشى كۇنى 91 ادام ەگىلدى. «قازىرگى كەزدە ەكپە سالۋ اقتوبە قالاسىندا جۇرگىزىلىپ جاتىر.
اۋداندار بۇل ناۋقانعا كەيىنىرەك كىرىسەدى. ءبىزدىڭ مىندەتىمىز – ەكپە سالۋ كەزىندە بارلىق تالاپ پەن نورمالاردى قاتار ساقتاپ, جاعداي جاساۋ», دەدى ءوڭىر باسشىسى وڭداسىن ورازالين وبلىس اكىمدىگىندە وتكەن جيىن كەزىندە.
ايتا كەتەيىك, اقتوبەدە توسەك-ورىن سانى 445-تەن 3603-كە دەيىن ارتتىرۋعا مۇمكىندىك بار. ولاردىڭ 57,1% وتتەگىمەن قامتىلعان. 21 ستاتسيونارلىق رەنتگەن اپپاراتى ورناتىلدى. 382 وكپەنى جاساندى جەلدەتەتىن اپپاراتى, 450 وتتەگى كونتسەنتراتى, 626 وتتەگى باللونى, 787 بوبروۆ اپپاراتى مەن 424 وتتەگى جاستىعى بار. جەدەل جاردەم بەكەتتەرى مەن ەمدەۋ مەكەمەلەرىنىڭ اۆتوپاركى 41 سانيتارلىق ماشينامەن تولىعىپ, 6 ءموبيلدى دياگنوستيكالىق كەشەن ساتىپ الىندى. دارىلىك جانە جەكە قورعانىس زاتتارىنىڭ ەكى ايلىق قورى جاسالدى.