« ۇلى دالانىڭ ۇلى قىزدارى» ءبىلىم سايىسى مارەگە جەتتى

تاريح جانە شەتەل تىلدەرى ينستيتۋتىنىڭ قولداۋىمەن وتەتىن ءداستۇرلى ءبىلىم دوداسى بيىل دا ۇيىمداستىرىلىپ, ءوز مارەسىنە جەتتى.

«رۋحاني جاڭعىرۋ» باعدارلاماسى اياسىنداعى وليمپياداعا تۇركىستان, قىزىلوردا, الماتى وبلىستارى مەن شىمكەنت جانە الماتى قالالارىنداعى مەكتەپتەردىڭ وقۋشىلارى قاتىسىپ, باقتارى مەن باپتارىن سىناستى.

سايىستىڭ بىرنەشە كەزەڭنەن تۇراتىن ىرىكتەۋىنەن وتكەن 8 كوماندا اقتىق مارەدە ءوز بىلىمدەرىن پاش ەتىپ, 5 اينالىم بويىنشا تاپسىرمالاردى ورىندادى. اتاپ ايتقاندا, ءبىلىم الۋشىلار «تانىستىرۋ», «تاريحي حرونولوگيا», « ۇلى دالانىڭ قاھارمان قىزدارى», «تاريحي تەرمينولوگيا» جانە «وي تولعاۋ» تۋرلارى بويىنشا ءوزارا مىقتىنى انىقتادى.

العاشقى كەزەڭدە ءار كوماندا ءوزىنىڭ ۋنيۆەرسيتەتى مەن مۇشەلەرىن  تانىستىرىپ, كوماندانىڭ اتىن قورعادى.

«تاريحي حرونولوگيا» اتتى ەكىنشى اينالىمدا ءار كوماندا ۇياشىقتاردىڭ ارتىندا جاسىرىلعان تاريحي داتالاردىڭ ماعىناسىن دۇرىس اشۋى ءتيىس. بۇل ساندار ۇلى دالانىڭ ۇلى قىزدارىنىڭ ءومىرى مەن قوعامدىق-ساياسي قىزمەتىمەن بايلانىستى. كوماندالار دۇرىس  جاۋاپ بەرگەنىنە قاراي ۇپاي ەنشىلەيدى.

ءۇشىنشى تۋردا قاتىسۋشىلارعا « ۇلى دالانىڭ قاھارمان قىزدارى» تاقىرىبىنداعى ارنايى بەينەتاسپاعا تۇسىرىلگەن ساۋالدار قويىلدى.

«تاريحي تەرمينولوگيا» اتتى ءتورتىنشى اينالىمنىڭ شارتى بويىنشا ءار كوماندا تاريحي تەرميندەرگە 3 دەڭگەي نەگىزىندە انىقتاما بەرۋى ءتيىس. 1-دەڭگەي «قولا قاقپا», 2-دەڭگەي «كۇمىس قاقپا» جانە 3-دەڭگەي «التىن قاقپا» دەپ اتالادى. تولىق جاۋاپ بەرگەن كوماندا عانا ءۇش قاقپانى اشقان بولىپ, تولىق باعالانادى. ءۇشىنشى قاقپانىڭ سۇراعى اعىلشىن تىلىندە قويىلادى, سايكەسىنشە كوماندالار  سۇراقتارعا اعىلشىن تىلىندە جاۋاپ بەرەدى.

سوڭعى كەزەڭ «وي تولعاۋ» دەپ اتالادى. بۇل اينالىمداەل تاريحىنداعى ەسىمدەرى ۇلىقتالعان ۇلى قىزدار تۋرالى ەسسە سۇراقتار جەرەبە نەگىزىندە ءار كوماندا جەتەكشىسىنە ۇلەستىرىلەدى. شارت بويىنشا سايىسكەر تاپسىرمانى ورىنداۋعا بەرىلەتىن 10 مينۋتتا 100 سوزدەن كەم ەمەس ەسسە جازۋى ءتيىس.

– رەسپۋبليكانىڭ ءار ايماعىنان جينالىپ, ءبىر ارنادا باس قوسقان ءبىلىمپاز جاستار قويىلعان ساۋالدارعا جاۋاپ بەرىپ, بەرىلگەن تاپسىرمالاردى ورىنداۋ بارىسىندا ويلارىن جان-جاقتى تۇجىرىمداي ءبىلدى. تاريح پانىنەن العان تانىم دەڭگەيلەرىن ايقىن كورسەتتى. قازىلار القاسى ءاربىر توپتىڭ جاۋاپتارىنا قاتىستى ءوز ۇسىنىستارى مەن پىكىرلەرىن ءبىلدىرىپ, ءتيىستى باعالارىن بەردى, دەيدى قازىلار القاسىنىڭ مۇشەسى, تاريح عىلىمدارىنىڭ كانديداتى ەرداۋلەت بەرلىباەۆ.

وليمپيادا قورىتىندىسى بويىنشا ءبىرىنشى ورىنعا الماتى وبلىستىق №15 مەكتەپ-ينتەرناتىنىڭ وقۋشىلارىنان قۇرالعان «قايسار قىزدار» توبى لايىق دەپ تانىلدى. ەكىنشى ورىندى قىزىلوردا وبلىسىنىڭ سىرداريا اۋدانىنداعى №37 مەكتەپ-ليتسەيىنىڭ «تۇمار» توبى مەن شىمكەنت قالاسىنداعى №90 گيمنازياسى يەلەنسە, ءۇشىنشى ورىندى الماتى وبلىسىنىڭ قاسكەلەڭ قالاسىنداعى اباي اتىنداعى ورتا مەكتەپ-گيمنازياسىنىڭ «حانسۇلۋ» جانە الماتى قالاسىنداعى №15 گيمنازياسىنىڭ «قاعانات» كوماندالارى ءوزارا ءبولىستى.

جەڭىمپازدار مەن جۇلدەگەرلەر العىس حاتتارمەن جانە ديپلومدارمەن ماراپاتتالدى.