انگليادا كوروناۆيرۋستىڭ وڭتۇستىك افريكالىق شتاممى تارالىپ جاتىر

عالىمدار وتكەن جىلدىڭ قازان ايىندا وڭتۇستىك افريكادا العاش رەت انىقتالعان جاڭا شتامم ۆاكتسينالارعا سەزىمتالدىعى از جانە «قالىپتى» Covid-19-بەن اۋىرعان ادامدارعا قايتا جۇقتىرۋ قاۋپىن تۋدىرۋ مۇمكىندىگىنە الاڭداۋشىلىق ءبىلدىرىپ وتىر.

لوندوندىق تايمس باسىلىمى ءوز دەرەككوزدەرىنە سىلتەمە جاساي وتىرىپ, جاپونيا ۇكىمەتىندە وليمپيادا وتكىزۋدەن باس تارتۋ تۋرالى پىكىر باسىم دەپ جازعان, بىراق سوڭعى شەشىم الەمدەگى كوروناۆيرۋسقا قاتىستى جاعدايدىڭ دامۋىنا بايلانىستى ناۋرىز ايىنىڭ سوڭىندا قابىلدانادى. وليمپيادا كورەرمەنسىز ءوتۋى دە مۇمكىن. قازىر وليمپيادا 23 شىلدە – 8 تامىز ارالىعىنا جوسپارلانعان جانە «توكيو-2020» رەسمي اتاۋى دا ساقتالعان.

ءيزرايلدىڭ دەنساۋلىق ساقتاۋ مينيسترلىگىنىڭ جاريالانعان مالىمەتتەرىنە سايكەس, ۆاكتسينانىڭ ەكىنشى دوزاسىن العان ەلدىڭ 715 425 تۇرعىنىنىڭ 317-ءسى نەمەسە 0,04%-ى كوروناۆيرۋس جۇقتىرعان, ولاردىڭ تەك 16-سى اۋرۋحاناعا جاتقىزۋدى قاجەت ەتكەن. وتكەن جىلى جۇرگىزىلگەن سىناقتاردان كەيىن Pfizer كونتسەرنى ءوز پرەپاراتتارىنىڭ 92% قورعاۋدى قامتاماسىز ەتەتىندىگىن ايتقان بولاتىن.