ماڭعىستاۋ وبلىسىندا «COVID-19» ينفەكتسياسىنا قارسى «سپۋتنيك-V» ۆاكتسيناسىنىڭ 1000 دوزاسى ارنايى ۇشاقپەن جەتكىزىلدى. بۇل تۋرالى قوعامدىق كوممۋنيكاتسيا ورتالىعىنان ءمالىم بولدى, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسىنىڭ ءبولىم باسشىسى عاليا قاليەۆانىڭ مالىمەتىنشە, «سك-فارماتسيا» جشس جەتكىزگەن ۆاكتسينالار وبلىستىق دەنساۋلىق ساقتاۋ باسقارماسىنىڭ ۆاكتسيناتسيالىق قويماسىندا ساقتالادى.
«الدىمەن, ەرىكتى تۇردە ينفەكتسيالىق اۋرۋحانادا جۇمىس ىستەيتىن مەديتسينا قىزمەتكەرلەرىنە ەكپە سالىنادى. مۇنان سوڭ جەدەل جاردەم, ەمحانادا قىزمەت ەتەتىن ماماندار ەگىلەدى. ايتا كەتەتىن جايت ەرىكتى تۇردە ۆاكتسينا الاتىن ادامدا پروفيلاكتيكالىق ەگۋگە قارسى كورسەتىلىمدەر بولماۋى ءتيىس. ۆاكتسينالاۋ الدىندا دارىگەردىڭ مىندەتتى تەكسەرۋ جۇمىستارى جۇرگىزىلەدى», دەدى عاليا قاليەۆا.
جىلدىڭ سوڭىنا دەيىن ماڭعىستاۋعا قازاقستاندىق «Qaz Covid-in» ۆاكتسيناسىنىڭ 100 مىڭى جەتكىزىلەدى دەپ جوسپارلانىپ وتىر.