قالالىق ءبىلىم بەرۋ باسقارماسى مەن سانيتارلىق-ەپيدەميولوگيالىق باقىلاۋ دەپارتامەنتى وكىلدەرىنەن قۇرالعان جۇمىس توبى 15 ءبىلىم بەرۋ ۇيىمدارىندا سانيتاريالىق تالاپتاردىڭ ساقتالۋىن تەكسەردى, دەپ حابارلايدى Egemen.kz
تەكسەرۋ ناتيجەسىندە زاڭ بۇزۋشىلىقتار ەكى مەكتەپتە انىقتالدى. ءبىر ءبىلىم بەرۋ مەكەمەسىندە دالىزدەر مەن باسپالداق الاڭدارىندا الەۋمەتتىك قاشىقتىق بەلگىلەرى بولماعان جانە وقۋ ساباقتارىن جۇرگىزۋ رەجيمى ساقتالمادى (ساباق جانە ءۇزىلىس ۋاقىتى ەكى سىنىپ ءۇشىن بىردەي بولدى). باسقا تەكسەرىلگەن ءبىلىم بەرۋ وبەكتىسى بويىنشا كۆارتستاۋ ەرەجەسى ساقتالماعان, دەپ حابارلايدى سەقد ءباسپاسوز قىزمەتى.
مونيتورينگ توبىنىڭ وكىلدەرى بارلىق مەكتەپ اكىمشىلىگىمەن سانيتاريالىق-اعارتۋ جۇمىستارىن جۇرگىزدى. بۇزۋشىلىقتار انىقتالدى, ولاردى جويۋعا مۇمكىندىكتەر بار.
سونداي-اق وسى كۇندەرى مەكتەپتەرگە جوسپاردان تىس تەكسەرۋلەر دە جۇرگىزىلدى. تەكسەرۋ ناتيجەسىندە قىزمەتكەرلەر مەن وقۋشىلاردىڭ ماسكا رەجيمى مەن الەۋمەتتىك اراقاشىقتىقتىڭ ساقتاماعاندىعى, سونداي-اق سىنىپ بولمەلەرىندە جەلدەتۋ رەجيمى ساقتالماۋى جانە تاعى باسقا دا بۇزۋشىلىقتار انىقتالدى.
جوسپاردان تىس تەكسەرۋ بارىسىندا انىقتالعان بۇزۋشىلىق فاكتىلەرى بويىنشا 379 210 تەڭگە مولشەرىندە 2 ايىپپۇل سالىندى, بۇزۋشىلىقتاردى جويۋ تۋرالى ۇيعارىم بەرىلدى.