بۇگىن تارازعا رەسەيلىك «سپۋتنيك - V» ۆاكتسيناسىنىڭ العاشقى 1000 دوزاسى جەتكىزىلدى, دەپ حابارلايدى ەgemen.kz
ۆاكتسينا ەڭ الدىمەن كوروناۆيرۋس جۇقتىرعان ادامدارمەن تىكەلەي بايلانىستا بولاتىن مەديتسينا قىزمەتكەرلەرىنە ەگىلەتىن بولادى. ولاردىڭ قاتارىندا ينفەكتسيونيست دارىگەرلەر, رەانيماتولوگتار, قابىلداۋ ءبولىمى مەن جەدەل جاردەم, سانيتارلىق-ەپيدەميولوگيالىق قىزمەت ماماندارى بار.
بۇگىن تاڭەرتەڭ تارازداعى №4 قالالىق ەمحاناعا العاشقى 50 دوزا كەلىپ ءتۇستى. ۆاكتسيناتسيا تەك ەرىكتى تۇردە جۇرگىزىلەتىنىن اتاپ وتكەن ءجون. ۆاكتسينانى العاشقىلاردىڭ ءبىرى بولىپ وبلىس اكىمىنىڭ ورىنباسارى بەرىك نىعماشەۆ پەن دەنساۋلىق ساقتاۋ باسقارماسىنىڭ باسشىسى اسەت قاليەۆ قابىلدادى.
«پروتسەدۋرا اۋىرسىنۋسىز ءوتتى, ءوزىمدى جاقسى سەزىنەمىن. ءبىز ۇجىمدىق يممۋنيتەتتى قالىپتاستىرۋ ءۇشىن ۆاكتسيناتسيالاۋدان باس تارتپاۋىمىز كەرەك. ەكونوميكانىڭ دامۋى جانە تۇرعىنداردىڭ قالىپتى تىرشىلىككە تەزىرەك ورالۋى ءۇشىن جولداعى كەدەرگىلەردى ەڭسەرۋ كەرەكپىز», دەدى بەرىك نىعماشەۆ.
ال اسەت قاليەۆتىڭ ايتۋىنشا, 18-64 جاس ارالىعىنداعى وبلىس حالقىنىڭ 52 پايىزىن ۆاكتسيناتسيالاۋ جوسپارلانۋدا.