قاراعاندى وبلىسىندا كوروناۆيرۋسقا قارسى جاپپاي ەرىكتى ۆاكتسينالاۋ بارىسىندا العاشقىلاردىڭ ءبىرى بولىپ ءوڭىر باسشىسى جەڭىس قاسىمبەك, دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ, وبلىستىڭ باس مەملەكەتتىك سانيتارلىق دارىگەرى يۋري زالىگين, وبلىستىڭ شتاتتان تىس باس نەيروحيرۋرگى عابيت ماحامباەۆ جانە بلوگەر دەنيس دەنسكي ەگىلدى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
وبلىسقا جەتكىزىلگەن رەسەيلىك «سپۋتنيك V» ۆاكتسيناسىنىڭ 1 750 دوزاسى قاراعاندى, تەمىرتاۋ, بالقاش جانە جەزقازعان قالالارىنا تاراتىلدى. اتالعان مەديتسينالىق پرەپارات 99 توڭازىتقىشتا ساقاتالادى. بۇعان قوسا, 115 تەرموكونتەينەر جانە ەكى اۆتورەفريجەراتور قاراستىرىلعان.
ەسكە سالساق, ءبىرىنشى كەزەڭدە قاراعاندى وبلىسى بويىنشا ينفەكتسيالىق اۋرۋحانالاردىڭ, جەدەل مەديتسينالىق كومەكتىڭ, جان ساقتاۋ بولىمشەلەرىنىڭ, امسك ۇيىمدارىنىڭ, قابىلداۋ بولمەلەرىنىڭ جانە سانەپيدقىزمەتتىڭ توعىز مىڭ مەديتسينا قىزمەتكەرىن ەگۋ جوسپارلانعان.