اقتوبە وبلىسىنىڭ تۇرعىنى نۇرلان جانبۋرين رەسپۋبليكالىق «يننوۆاتسيالىق فورساج» بايقاۋىنىڭ جۇلدەگەرى اتاندى. بۇل تۋرالى «حابار» تەلەارناسى حابارلادى.
ن. جانبۋرين مۇناي كومپانيالارىنىڭ بىرىندە ەنەرگەتيك بولىپ قىزمەت ىستەيدى. ول اۋانى يونمەن تازارتۋ قۇرىلعىسىن ويلاپ تاپقان. دىبىسسىز ەلەكتروندى سۇزگى تەرەزەگە ورناتىلىپ, ول اۋاداعى زياندى گازدار مەن شاڭدى بولمەگە وتكىزبەيتىن كورىنەدى.
اۆتور بۇل جوباسىنا پاتەنت الدى. قازىر ونى نارىققا شىعارۋدىڭ جولىن ىزدەستىرۋدە. ازىرگە جاڭا قوندىرعىعا رەسەي مەن قىتاي ازاماتتارى قىزىعۋشىلىق ءبىلدىرىپتى. «ءبىزدىڭ ەلدە جاڭا جوبالاردى جۇزەگە اسىرۋدىڭ مۇمكىندىگى بار. تەك وسى جىلدىڭ وزىندە 376 ازامات ونەرتاپقىش بايقاۋىنا قاتىسۋعا ءوتىنىش ءبىلدىردى. سونىڭ ىشىنەن 15 ازامات ۇزدىك اتاندى»,-دەيدى ونەرتاپقىش نۇرلان جانبۋرين.
وسى ءوڭىردىڭ تاعى ءبىر تۇرعىنى «زەرەك» اتتى ينتەراكتيۆتى قالام ويلاپ تاۋىپتى. قالامداعى ەلەكتروندى سكانەر بۇلدىرشىندەرگە ارىپتەر مەن ەرتەگىلەردى داۋىستاپ ايتىپ بەرەدى. ونىڭ سوزدىك قورىندا قازاق تىلىندە 3 مىڭنان اسا ءسوز بار. «جۇمىس كەزىندە «زەرەكتى» ءتيىمدى پايدالانىپ ءجۇرمىز. ويتكەنى, بۇل قۇرال قازاق, ورىس, اعىلشىن تىلدەرىن ۇيرەنۋگە ارنالعان. سوندىقتان ونىڭ بالعىندارعا تيگىزەتىن كومەگى مول»,-دەيدى مەكتەپگە دەيىنگى ءبىلىم بەرۋ مەكەمەسىنىڭ مۇعالىمى عاليا وماروۆا.
باقىتبەك كەنەش ۇلى.
دەرەككوز: «حابار» تەلەارناسى.
فوتو: «حابار» تەلەارناسى