Takeda Pharmaceuticals (Takeda) جاھاندىق بيوفارماتسەۆتيكالىق كومپانياسىنىڭ رەسمي وكىلدىگى بولىپ تابىلاتىن «تاكەدا قازاقستان» كومپانياسى Top Employers Institute (ۇزدىك جۇمىس بەرۋشىلەر ينستيتۋتى) بەدەلدى حالىقارالىق ۇيىمىنىڭ «ۇزدىك جۇمىس بەرۋشى 2021» ماراپاتىن قايتا يەلەنىپ, قازاقستانداعى جەتەكشى جۇمىس بەرۋشى اتاعىن راستادى. بۇعان قوسا, Takeda كومپانياسىنا ءتورتىنشى جىل قاتارىنان الەمدەگى ۇزدىك جۇمىس بەرۋشىنىڭ بەدەلدى جاھاندىق مارتەبەسى بەرىلدى, دەپ حابارلايدى Egemen.kz.
وسى جىلى Takeda كومپانياسى 38 ەلدە جانە ءتورت گەوگرافيالىق ايماقتا: ازيا-تىنىق مۇحيتى, ەۋروپا, لاتىن امەريكاسى جانە تاياۋ شىعىستا «ۇزدىك جۇمىس بەرۋشى 2021» مارتەبەسىن راستاۋ ارقىلى قۇندىلىقتار, ەتيكا مەن ادالدىق, ۇيىمداستىرۋشىلىق وزگەرىستەر, كوشباسشىلىق, تۇراقتىلىق, ونىمدىلىكپەن بەلسەندىلىكتى باسقارۋ سياقتى سالالاردا Top Employers Institute تالاپتارىنىڭ شىڭىنان كورىندى. Takeda جەرگىلىكتى وپەراتسيالىق كومپانيالارىنا بەرىلگەن 38 سەرتيفيكاتتىڭ 24-ءى قازاقستان كىرەتىن ءوسىپ كەلە جاتقان جانە دامۋشى نارىقتار بيزنەس بولىمشەسىنە بەرىلىپ وتىر. - ءبىز ەكىنشى جىل قاتارىنان قازاقستانداعى ۇزدىك جۇمىس بەرۋشى اتاعىن راستاعانىمىزعا قۋانىشتىمىز. ءبىز ءۇشىن Takeda قىزمەتكەرلەرىنە ەڭ جاقسى جۇمىس جاعدايلارىن جاساۋ جانە اركىمگە ءوز-ءوزىن كورسەتۋگە مۇمكىندىك بەرۋ اسا ماڭىزدى, ويتكەنى بۇل دامىپ كەلە جاتقان نارىقتارداعى پاتسيەنتتەردىڭ قاجەتتىلىكتەرىن قاناعاتتاندىرۋ جولىنداعى كومپانيانىڭ مىندەتتەمەلەرى بويىنشا ءبىزدىڭ ادامدارعا بارلىق مۇمكىندىكتى ىسكە اسىرۋعا كومەكتەسەتىن كىلت دەپ سانايمىز,- دەدى «تاكەدا قازاقستان» جشس پەرسونالمەن جۇمىس جونىندەگى ديرەكتورى ايجان كەنجە.
"بۇگىنگى COVID-19 پاندەمياسىمەن بايلانىستى قيىن جاعداي ادامزاتقا كوبىرەك نازار اۋدارۋدى تالاپ ەتەدى. قىزمەتكەرلەرىمىزگە قولداۋ كورسەتىپ, ءوزىن-ءوزى جۇزەگە اسىرۋدى دەمەپ جانە سەنىم مادەنيەتىن نىعايتا وتىرىپ, ءبىز ادامدارعا مىقتى دەنساۋلىق پەن الەمنىڭ جارقىن بولاشاعىن قۇرۋعا كومەكتەسە الامىز,"-دەيدى ول. Top Employers Institute باس ديرەكتورى دەۆيد پلينك اتاپ وتكەندەي, - Takeda كومپانياسى جاھاندىق جانە جەرگىلىكتى دەڭگەيدە ءوز قىزمەتكەرلەرىنە ادالدىعىن كورسەتۋدى جالعاستىرۋدا جانە ءبىز ولاردى ءتورتىنشى جىل قاتارىنان Top Employer جاھاندىق سەرتيفيكاتسياسىن يەلەنۋىمەن قۇتتىقتايمىز. جوعارىدا اتاپ وتىلگەندەي, بيىل ۇزدىك جۇمىس بەرۋشى مارتەبەسى ينستيتۋت انىقتاعان گەوگرافيالىق ايماقتارداعى Takeda-نىڭ 38 جەرگىلىكتى وپەراتسيالىق كومپانيالارىنا بەرىلدى: · افريكا: الجير · ازيا-تىنىق مۇحيتى ايماعى: اۆستراليا, قىتاي, گونكونگ, ينديا, يندونەزيا, جاپونيا, مالايزيا, فيليپپيندەر, سينگاپۋر, وڭتۇستىك كورەيا, تايۆان جانە تايلاند. · ەۆروپا: اۆستريا, فينليانديا, فرانتسيا, گەرمانيا, يرلانديا, يتاليا, قازاقستان, پولشا, پورتۋگاليا, رەسەي, يسپانيا, شۆەيتساريا, تۇركيا, ۆەليكوبريتانيا جانە ۋكراينا. · لاتىن امەريكاسى: ارگەنتينا, برازيليا, كولۋمبيا, ەكۆادور, مەكسيكا جانە پەرۋ. · تاياۋ شىعىس: يزرايل, ساۋد ارابياسى ي بىرىككەن اراب امىرلىكتەرى. · سولتۇستىك امەريكا: اقش. Top Employers Institute باعدارلاماسى پەرسونالدى باسقارۋ سالاسىنداعى وزىق تاجىريبەنى راستايتىن تاۋەلسىز زەرتتەۋ ناتيجەلەرى نەگىزىندە ۇيىمداردى سەرتيفيكاتتايدى. بۇل ساۋالناما پەرسونالدى باسقارۋ قىزمەتىنىڭ 6 سالاسىن قامتيدى, ولار ادامدارعا باعدار الاتىن 20 باعىتتان تۇرادى, ولاردىڭ ىشىندە: مانساپتى دامىتۋ; مادەنيەت; ارتۇرلىلىك جانە ينتەگراتسيا; وقىتۋ; تۇراقتىلىق; قۇندىلىقتار; ءال-اۋقات جانە جۇمىس ورتاسى. 30 جىل بۇرىن قۇرىلعان ينستيتۋت وسى ۋاقىت ارالىعىندا بەس قۇرلىقتاعى 1600-دەن استام ۇزدىك جۇمىس بەرۋشىنى سەرتيفيكاتتاعان. ۇزدىك جۇمىس بەرۋشىلەر ينستيتۋتى جانە ۇزدىك جۇمىس بەرۋشىلەردى سەرتيفيكاتتاۋ تۋرالى www.top-employers.com سايتىنان بىلۋگە بولادى.