بۇل كوروناۆيرۋستىڭ تارالۋىن تەجەۋ ءۇشىن قابىلدانعان شارا, دەپ حابارلايدى Egemen.kz «حابار 24» ارناسىنا سىلتەمە جاساپ.
مەملەكەت قۇرلىقتا تەك يسپانيامەن عانا شەكتەسەدى. ەندى ەكى ەل اراسىنداعى شەكارا الداعى ەكى اپتا جابىق بولادى. سونىمەن قاتار ەل ازاماتتارىنا شەتەلگە شىعۋعا تىيىم سالىندى. بۇل ەرەجە دە 14 كۇنگە ەنگىزىلەدى.ايتا كەتكەن ءجون, پورتۋگاليادا ەپيدەميولوگيالىق احۋال ءورشىپ تۇر. كەيىنگى تاۋلىكتە مۇندا كوروناۆيرۋستان 303 ادام كوز جۇمدى. بۇل ەپيدەميا باستالعالى تىركەلگەن ەڭ ۇلكەن كورسەتكىش. مۇندا روجدەستۆوعا وراي شەكتەۋ شارالارى جەڭىلدەتىلگەن. بيلىك سونىڭ سالدارىنان دەرەكتەر سانى ارتىپ كەتتى دەيدى. احۋالدىڭ ءورشۋىنىڭ تاعى ءبىر سەبەبى – ۆيرۋستىڭ مۋتاتسياعا ۇشىراۋى. اسىرەسە ەل استاناسى ليسسابونداعى جاعداي كۇردەلى. مۇندا بريتاندىق شتامم تەز تاراپ بارادى. سونىڭ سالدارىنان قازىر مەديتسينا قىزمەتكەرلەرى تاپشى. وسى رەتتە گەرمانيا تارابى اسكەري دارىگەرلەردى جىبەرەتىنىن ايتتى. ودان بولەك, جەرگىلىكتى بيلىك زەينەتكە شىققان اق حالاتتىلاردى جۇمىسقا تارتۋ ماسەلەسىن دە قاراستىرىپ جاتىر.