قاراعاندى وبلىسىنداعى شاعىن قالا ساران قازىرگى تاڭدا ۇلكەن ءندىرىس ايلاعىنا اينالىپ كەلەدى. مىسالى مۇندا بىلتىرعى جىلدىڭ سوڭىنا تامان اۆتوبۋس جانە ارنايى تەحنيكا شىعاراتىن زاۋىت اشىلىپ, پايدالانۋعا بەرىلدى. مۇنىڭ ءزى اتالعان قالا ءۇشىن «زاكىرلى جوبا» بولعالى تۇر. سونىمەن قاتار ول وبلىس ەكونوميكاسىن ارتاراپتاندىرۋعا دا مول مۇمكىندىك بەرەدى دەگەن ءۇمىت بار.
جاڭا زاۋىت الداعى ءساۋىر ايىنان باستاپ ءوزىنىڭ وندىرىستىك تولىق قۋاتىنا شىعادى ەكەن. ياعني كاسىپورىن جىلىنا Yutong ماركالى 1 200 اۆتوبۋس پەن 400 بىرلىك ارنايى تەحنيكا مەن ارنايى كولىك شىعارۋدى جوسپارلاپ وتىر. كاسىپورىن باسشىسى, «QazTehna» جشس ديرەكتورى ارعۇلان مايكونوۆ زاۋىتتىڭ قازىردىڭ وزىندە تاپسىرىسپەن قامتاماسىز ەتىلگەنىن ايتادى.
– ماڭىزدى جوبا جوسپارداعى كەستەگە ساي جۇزەگە اسىرىلۋدا. قازىر ەكىنشى تسەحتى قايتا قۇرۋ جۇمىستارى قارقىندى جۇرگىزىلۋ ۇستىندە. ونى وسى جىلدىڭ ءساۋىر ايىندا ىسكە قوسۋدى جوسپارلاپ وتىرمىز. سوندا 600-گە جۋىق اۆتوبۋس شىعارىپ, وتكىزۋ ويدا بار. زاۋىت وسىنداي كولەمدى يگەرە الادى, – دەپ اتاپ ءوتتى ا.مايكونوۆ.
كاسىپورىن كۇشىنە مىنگەن ۋاقىتتا ونداعى جۇمىسشىلار سانى 1 مىڭنىڭ شاماسىندا بولادى دەگەن بولجام بار.
قاراعاندى وبلىسى,
ساران قالاسى