iKOMEK109 بىرىڭعاي بايلانىس ورتالىعىنىڭ اياسىندا ناركولوگيالىق كومەك ماسەلەلەرى بويىنشا سەنىم تەلەفونى ىسكە قوسىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
نۇر-سۇلتان قالاسىنىڭ تۇرعىندارى ءۇشىن ناركولوگيالىق كومەك مامانداندىرىلعان قالالىق پسيحيكالىق دەنساۋلىق ورتالىعى تاراپىنان تەگىن مەديتسينالىق كومەك اياسىندا ۇسىنىلادى.
ورتالىق قىزمەتى پسيحواكتيۆتى زاتتارعا, ياعني ەسىرتكى سەكىلدى دارىلىك زاتتارعا تاۋەلدىلىكتەن زارداپ شەگەتىندەردى ەمدەۋگە, وڭالتۋعا, ولارعا كونسۋلتاتسيا بەرۋگە باعىتتالعان.
بۇگىننەن باستاپ iKOMEK109 بىرىڭعاي بايلانىس ورتالىعى نۇر-سۇلتان قالاسىنىڭ تۇرعىندارىنا ناركولوگيالىق كومەك ماسەلەلەرى بويىنشا تاۋلىك بويى 1-0-9 قىسقا ءنومىرى ارقىلى كونسۋلتاتسيا بەرەدى. ءموبيلدى جانە قالالىق تەلەفونداردان حابارلاسۋ تەگىن.
ناركولوگيالىق تاۋەلدىلىككە قاتىستى بارلىق قوڭىراۋلار مەن وتىنىشتەر جاسىرىن رەجيمدە وڭدەلەتىنىن ايتا كەتكەن ءجون.
ناشاقورلىق, ماسكۇنەمدىك, قۇمار ويىندارعا تاۋەلدىلىك – بۇل تەك ءبىر عانا ەمدەلۋشىنىڭ باسىنداعى عانا ەمەس, ونىڭ بۇكىل وتباسىنىڭ تۇيتكىلدى پروبلەماسى. سەبەبى تاۋەلدىلىكتەن زارداپ شەگەتىندەر تەك ءوزىن ەمەس, اينالاسىنداعىنىڭ بارىنە قيىندىق كەلتىرەدى.
جاقىنىڭىز پسيحواكتيۆتى زاتتارعا تاۋەلدى ەكەنىن بايقاساڭىز, iKOMEK بىرىڭعاي بايلانىس ورتالىعىنا 1-0-9 ءنومىرى ارقىلى نەمەسە تومەندەگى بالاما قۇرالدار ارقىلى جۇگىنۋدى سۇرايمىز:
- اكىمدىكتىڭ رەسمي سايتى astana.gov.kz;- iKOMEK109 ءموبيلدى قوسىمشاسى (PlayMarket/AppStore);- Telegram چات-بوتى (t.me/nursultanikomek109_bot);- Smart Astana ءموبيلدى قوسىمشاسى (PlayMarket/AppStore);- aitu.city پورتالى.