ءبىز ماڭگىلىك ەلدىڭ ىرگەتاسىن قالادىق. ماڭگىلىك ەلدىڭ جۇرەگىنە اينالعان ماڭگىلىك استانامىزدى تۇرعىزدىق. ماڭگىلىك مىزعىماس ەكونوميكا قالىپتاستىرىپ, ماڭگىلىك ءوشپەس جىلناما جازدىق. ماڭگىلىك بولاشاققا جول سالدىق. وسىنىڭ بارلىعى تاۋەلسىزدىگىمىزدىڭ تارتۋى, ازاتتىعىمىزدىڭ اسىل قازىناسى.
نۇرسۇلتان نازارباەۆ.
اتاجۇرتتىڭ قازىعىنا بايلانعان سوڭ كىندىگىم,
ارقانداۋلى ات سەكىلدى شىر اينالعان تىرلىگىم.
تاڭ اتقاننان كۇن باتقانشا ءوز باسىمەن اۋرە بوپ,
ارپالىسقان بۇل جالعاندا ۇعىپ جاتىر كىمدى كىم؟
قاناتىمدى شاڭعا مالىپ تىرشىلىكتىڭ قامى ءۇشىن,
تاۋىق تا ءبىر, مەن دە ءبىرمىن تەرىپ جەگەن تارىسىن.
بوستاندىقتىڭ ءبىر تال شاشى تۇسەر بولسا ەگەردە,
قىنابىنان سۋىرىلار قىلشىلداعان نامىسىم!
جەتكەن جان جوق قۋعانمەنەن مىنا دۇنيە شەتىنە,
ءپاني مەنەن باقي باردا بولىنەسىڭ ەكىگە.
ازاتتىعىم, تيەر بولسا سۋىق ىزعار بەتىڭە,
جۇرەگىمدى قالقان ەتەم سوققان جەلدىڭ وتىنە!
نەسىپبەك ايت ۇلى,
اقىن, مەملەكەتتىك سىيلىقتىڭ لاۋرەاتى.
استانا.