24 قاڭتاردا برازيليانىڭ پورتۋ-ناسيۋنال قالاسىندا اۋە كولىگى اپاتقا ۇشىرادى. ونىڭ بورتىندا «پالماس» فۋتبول كلۋبىنىڭ ويىنشىلارى مەن پرەزيدەنتى بولعان, دەپ حابارلايدى Egemen.kz
اۋە بورتىندا پيلوتتان باسقا «پالماستىڭ» ءتورت ويىنشىسى – لۋكاس پراكسەدەس, گيلەرمە نوە, رانۋلە جانە ماركۋس موليناري, سونداي-اق كلۋب پرەزيدەنتى لۋكاس مەيرا دا بولعان دەسەدى.
جوسپار بويىنشا دۇيسەنبى كۇنى كوماندا ۆيلا نوۆا كلۋبىنا قارسى ماتچ وتكىزۋى كەرەك ەدى.
ايتا كەتسەك, ۇشاق اۋەگە كوتەرىلگەننەن كەيىن بىردەن اپاتقا ۇشىراعان.
بەلگىلى بولعانداي, قايعىلى وقيعادان كەيىن ءتىرى قالعاندار جوق. ازىرگە اپاتتىڭ سەبەپتەرى ءالى انىقتالماي وتىر.
ايتولقىن مىرزاكاريم