قوستاناي ەلىمىزدەگى ماشينا جاساۋ ورتالىقتارىنىڭ بىرىنە اينالدى. مۇنداعى «اگروماشحولدينگ» اكتسيونەرلىك قوعامىنىڭ ءوندىرىس الاڭىندا اتاقتى يتالياندىق IVECO كومپانياسى مەن «سارىارقااۆتوپروم» كاسىپورنىنىڭ ارىپتەستىگى نەگىزىندە IVECO 682 اۋىر جۇك ماشيناسىن جاساۋ جەلىسىنىڭ تۇساۋى كەسىلدى. وعان ەلىمىزدىڭ يندۋستريا جانە جاڭا تەحنولوگيا ءمينيسترىنىڭ ءبىرىنشى ورىنباسارى البەرت راۋ مەن IVECO وپەراتسيالىق ديرەكتورى فرانكو فۋزينياني قاتىسىپ, سۋ جاڭا IVECO 682 اۋىر جۇك ماشيناسىنىڭ لەنتاسىن قيدى. البەرت راۋ مەن فرانكو فۋزينياني ءوندىرىس الاڭىنداعى جاڭا جۇك ماشيناسىن قۇراستىرۋ تسەحتارىن ارالاپ كوردى.
قوستاناي ەلىمىزدەگى ماشينا جاساۋ ورتالىقتارىنىڭ بىرىنە اينالدى. مۇنداعى «اگروماشحولدينگ» اكتسيونەرلىك قوعامىنىڭ ءوندىرىس الاڭىندا اتاقتى يتالياندىق IVECO كومپانياسى مەن «سارىارقااۆتوپروم» كاسىپورنىنىڭ ارىپتەستىگى نەگىزىندە IVECO 682 اۋىر جۇك ماشيناسىن جاساۋ جەلىسىنىڭ تۇساۋى كەسىلدى. وعان ەلىمىزدىڭ يندۋستريا جانە جاڭا تەحنولوگيا ءمينيسترىنىڭ ءبىرىنشى ورىنباسارى البەرت راۋ مەن IVECO وپەراتسيالىق ديرەكتورى فرانكو فۋزينياني قاتىسىپ, سۋ جاڭا IVECO 682 اۋىر جۇك ماشيناسىنىڭ لەنتاسىن قيدى. البەرت راۋ مەن فرانكو فۋزينياني ءوندىرىس الاڭىنداعى جاڭا جۇك ماشيناسىن قۇراستىرۋ تسەحتارىن ارالاپ كوردى.
تۇساۋكەسەردەن كەيىن بولعان ءباسپاسوز ءماسليحاتىندا تاراپتار IVECO 682 اۋىر جۇك ماشيناسىنىڭ ساپاسىن الدىمەن اۋىزعا الدى. كولىكتىڭ قازاقستان ءۇشىن جاڭا ءتۇرى بۇرىنعى «كاماز بەن» عانا يىق تىرەستىرە الادى ەكەن. بىراق بۇل باعاسى جونىنەن, ال ساپاسىنا كەلگەندە ونىڭ الدىنا ماشينا تۇسە المايدى. اۋىر ماشينا 20 تونناعا دەيىن جۇك تارتادى. ونىڭ كابيناسى قولايلىلىعىمەن قوسا قاۋىپسىزدىگىمەن دە جوعارى باعاسىن العان. ەگەر ماشينا جول-كولىك وقيعاسىنا تاپ بولىپ, تۇمسىعىمەن سوعىسىپ قالاتىن بولسا, وندا كابينا 50 سانتيمەترگە دەيىن ارتقا جىلجىپ كەتەدى. بۇل ماشيناعا تيگەن كۇشتىڭ ەكپىنىن ازايتىپ, جۇرگىزۋشىنى اپات سالدارىنان ساقتاپ قالادى. جۇك ماشيناسىنىڭ دۆيگاتەلى قۋاتتىلىعىمەن ەرەكشەلەنەدى, سونداي-اق, ماشينانىڭ قورابى دا جوعارى ساپالى بولاتتان جاسالعان. ونىڭ قۇرامىنداعى بۇل مەتالل باسقا وندىرۋشىلەر شىعارعان اۆتوموبيلدەردەن 20 پايىزعا قالىڭ. ول ەڭ الدىمەن, ماشينانىڭ قاۋىپسىزدىگىن قامتاماسىز ەتەتىندىگىن ايتتى ماماندار. زاۋىتتا بۇل ماشينانىڭ نەگىزى قۇراستىرىلادى, ال ونى ءارى قاراي جانار-جاعارماي تاسيتىن, جۇك تاسيتىن نەمەسە باسقا دا قاجەتتەرگە وراي تۇرلەندىرۋ مامانداردىڭ قولىندا.
يندۋستريا جانە جاڭا تەحنولوگيالار ءمينيسترىنىڭ ءبىرىنشى ورىنباسارى البەرت راۋ قوستانايداعى ماشينا جاساۋ ءىسىنىڭ وندىرىستىك قۋاتىن جانە ونىڭ ەكونوميكانى دامىتۋعا قوسار ۇلەسىن سوكولوۆ-سارىباي كەن ءوندىرۋ بىرلەستىگىمەن سالىستىردى.
– قازاقستان ازعانا جىلداردىڭ ىشىندە ماشينا جاساۋ ءوندىرىسىن اياعىنان قويدى. بۇل تەك وبلىس قانا ەمەس, ەلىمىزدىڭ ەكونوميكاسىن سەرپىندى دامىتۋعا مۇمكىندىك بەرەتىن بولادى. قازاقستاندا ماشينا جاساۋ كلاستەرىن ءۇش ايماقتا, الماتى, وسكەمەن, قوستانايدا دامىتىپ وتىرمىز. بۇلار ەشقاشان بىرىنە-ءبىرى كەدەرگى, باسەكە بولمايدى. ءبىز بۇل سالانى تەك الەمدىك ماشينا جاساۋ كومپانيالارىن تارتۋ ارقىلى عانا وركەندەتە الامىز. يتالياندىق اتاقتى IVECO كومپانياسىنىڭ ءبىزدىڭ ەلىمىزگە كەلۋى وسى ورايدا جاقسى نىشان. IVECO 682 اۋىر جۇك ماشيناسىن جاساۋ جەلىسىمەن بىرگە قازاقستانعا وزىق تەحنولوگيالار, جوعارى ساپالى قۇراستىرۋ جانە وندىرىستىك ستاندارتتار, ەڭ باستىسى ساپا كەلەدى. سوندىقتان بۇگىنگى IVECO 682 ماشيناسىنىڭ تۇساۋكەسەرىن تاريحي كۇن دەپ بىلەمىن, – دەدى البەرت پاۆلوۆيچ.
– IVECO 682 – ماڭىزدى جوبا. «سارىارقااۆتوپروم» كاسىپورنىمەن ءبىزدىڭ ارىپتەستىگىمىز جارتىجىلدىڭ ىشىندە ءوز ءناتيجەسىن بەردى. وسىنداي جەتىستىككە مۇمكىندىك جاساعان قازاقستان باسشىلىعىنا العىسىم شەكسىز. قازاقستان لوندون وليمپياداسىندا اۋىر اتلەتيكادان ءتورت التىن الىپ, الەمدى تاڭعالدىرعان ەدى. ەندى اۋىر جۇك ماشيناسىن جاساۋدان وليمپيادالىق بيىككە شىعارىنا سەنىمدىمىن, – دەپ IVECO وپەراتسيالىق ديرەكتورى فرانكو فۋزينياني ءسوزىن ازىلمەن قايىردى.
AllurGroup كومپانيالار توبىنىڭ ديرەكتورى اندرەي لاۆرەنتەۆتىڭ ايتۋىنشا, قازاقستانداعى اۋىر جۇك كولىگى نارىعى وتكەن جىلمەن سالىستىرعاندا 30 پايىزعا ءوستى. IVECO 682 اۋىر جۇك ماشيناسى وسى كورسەتكىشتىڭ الداعى ۋاقىتتا وسە تۇسۋىنە ىقپال جاسايدى. ءازىر ءوندىرىس الاڭىندا سەگىز ماشينا قۇراستىرىلدى. قۇراستىرۋ تسەحتارىندا 35 جۇمىس ورنى اشىلدى. AllurGroup كومپانيالار توبى IVECO اۋىر جۇك ماشينالارمەن قاتار وسى اتتاس اۆتوبۋستار دا شىعارادى. الداعى ۋاقىتتا كومپانيا جىلىنا IVECO 1200 ماشينالارىن شىعارسا, سونىڭ 20 پايىزى اۋىر جۇك تاسيتىن كولىكتەر بولماق.
ءنازيرا جارىمبەتوۆا,
«ەگەمەن قازاقستان».
قوستاناي.