باتىس قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتى «ۋرال ويل ەند گاز» كومپانياسىنا ءىرى كولەمدە ايىپپۇل سالدى. بۇل تۋرالى «حابار» تەلەارناسى حابارلادى.
اتالعان كاسىپورىن 2000 جىلدان بەرى فەدوروۆكا اۋىلى ماڭىندا كومىرسۋتەگى شيكىزاتىن بارلاۋمەن اينالىسىپ كەلەدى. ال 5 جىل بۇرىن كاسىپورىن «روجكوۆو» كەن ورنىندا مۇناي, گاز جانە گاز كوندەنساتىن وندىرگەن بولاتىن. الايدا, كومپانيا جىل بويى قاجەتتى نورمادان جوعارى كولەمدەگى 250 تونناداي لاس زاتتاردىڭ اۋاعا تارالۋىنا جول بەرىپتى. سوندىقتان قورشاعان ورتاعا ايتارلىقتاي زالال كەلتىرگەن كاسىپورىنعا 800 ملن.تەڭگە كولەمىندە ايىپپۇل سالىندى. باتىس قازاقستان وبلىسىنداعى مامانداندىرىلعان تابيعاتتى قورعاۋ پروكۋرورى اسلان جاڭاتاۋوۆتىڭ ايتۋى بويىنشا, پروكۋرورلىق ىقپال ەتۋ شارالارىن قولدانۋ ناتيجەسىندە اتالعان سوما تولىعىمەن بيۋدجەت ەسەبىنە وندىرىلگەن.
باقىتبەك كەنەش ۇلى.
دەرەككوز: «حابار» تەلەارناسى.