جاقىندا ب ۇلىنشىلىك ارەكەتتەر جاسادى دەگەن ايىپپەن بارلىق قىزمەتتەرىنەن الىنىپ تاستالعان چان سون تحەك اسكەري سوتتىڭ شەشىمىمەن ءولىم جازاسىنا ۇشىرادى. بۇل تۋرالى يتار-تاسس حابارلادى.
سولتۇستىك كورەيا مەملەكەتتىك قورعانىس كوميتەتى توراعاسىنىڭ ورىنباسارى جانە كورەيا ەڭبەك پارتياسى ورتالىق كوميتەتى ۇيىمداستىرۋ ءبولىمىنىڭ مەڭگەرۋشىسى بولىپ قىزمەت اتقارعان چان سون تحەككە – كيم چەن ىننىڭ سىرتىنان ارەكەت جاسادى, بۇزىلعان ادامنىڭ تۇرمىس سالتىن ۇستادى جانە مەملەكەتتىك ساتقىندىق جاسادى دەگەن ايىپ تاعىلدى.
«ايىپتالۋشى تحەك ءوزىنىڭ جانىنا زالالدى كۇشتەردى جيناپ الىپ, سول توبىردىڭ باسشىسى بولدى. بۇل توپ ۇزاق ۋاقىت بويى مۇمكىن بولعان ارانداتۋشىلىق پەن تومەنگى ءتاسىلدىڭ بارلىق تۇرلەرىن قولدانا وتىرىپ, ء بىزدىڭ پارتيامىز بەن مەملەكەتىمىزدى باسىپ الۋعا ۇمتىلدى. ول جوعارعى ليدەردىڭ ۇلكەن سەنىمىنە يە بولى, بىراق ساتقىن بولىپ شىقتى», – دەلىنگەن ايىپتاۋ قورىتىندىسىندا. اسكەري سوت تحەكتىڭ سانالى تۇردە جاساعان قىلمىستارىنىڭ ءبارى تولىق دالەلدەندى دەگەن ۇيعارىمعا كەلدى.
Sky News گازەتىنىڭ حابارلاۋىنشا, ءولىم جازاسى 12 جەلتوقسان, بەيسەنبى كۇنى ورىندالىپتى. قازىر چان سون تحەكتىڭ وتستاۆكاعا كەتۋى مەن ولىمگە ۇشىراۋى كيم چەن ىن بيلىك باسىنا كەلگەلى بەرگى سولتۇستىك كورەيا ومىرىندەگى ەڭ ءدۇبىرلى وقيعا بولىپ تۇر. وڭتۇستىك كورەنىڭ «رەنحاپ» اگەنتتىگى وسى جولى چان سون تحەكتىڭ ەكى كومەكشىسى دە اتۋ جازاسىنا كەسىلگەنىن مالىمدەدى.
ايدار ورىسباەۆ.
دەرەككوز: Itar-tass.com