بۇگىنگى زامان تالابىنا ساي, ءبىلىمدى دە بىلىكتى كادرلار دايارلاۋ ءۇشىن يننوۆاتسيالىق تەحنولوگيالاردى بارىنشا قولدانىپ, تەوريالىق قانا ەمەس, پراكتيكالىق ءبىلىمدى دە ارتتىرۋ قاجەت. ل.ن.گۋميلەۆ اتىنداعى ەۋرازيا ۋنيۆەرسيتەتى وسى ماقساتپەن جۋرناليستيكا فاكۋلتەتىنىڭ ستۋدەنتتەرىنە ارناپ جاڭا تەلەستۋديا اشتى.
بۇگىنگى زامان تالابىنا ساي, ءبىلىمدى دە بىلىكتى كادرلار دايارلاۋ ءۇشىن يننوۆاتسيالىق تەحنولوگيالاردى بارىنشا قولدانىپ, تەوريالىق قانا ەمەس, پراكتيكالىق ءبىلىمدى دە ارتتىرۋ قاجەت. ل.ن.گۋميلەۆ اتىنداعى ەۋرازيا ۋنيۆەرسيتەتى وسى ماقساتپەن جۋرناليستيكا فاكۋلتەتىنىڭ ستۋدەنتتەرىنە ارناپ جاڭا تەلەستۋديا اشتى.
اقپاراتتىق زاماننىڭ اعىمىنا ساي بولاشاق جۋرناليستەر اتالعان ستۋديادا قازىردەن باستاپ تەلەۆيزيانىڭ قىر-سىرىن يگەرەتىن بولادى. اتاپ ايتقاندا, مۇندا شاعىن تەلەحابارلار, بەينەروليكتەر, دەرەكتى فيلمدەر, جارنامالىق ونىمدەردى جاساۋعا تولىقتاي مۇمكىندىك بار.
تۇساۋكەسەر سالتاناتىنا قاتىسقان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ە.سىدىقوۆ, د.قامزابەك ۇلى, ش.قۇزارقىزى, ت.جانايدار ۇلى, ءا.مادىبەك ۇلى سەكىلدى جوبا جاناشىرلارى مەن «حابار» تەلەارناسى اسبد ءبولىمىنىڭ ديرەكتورى ز.الىپبەك, قازاق راديوسىنىڭ ديرەكتورى ماحات سادىق, قازاق تەلەۆيزياسىنىڭ ارداگەرى سۇلتان ورازالى نەگىزگى ءۇش جۇيەدەن تۇراتىن جاڭا تەلەستۋديانىڭ مۇمكىنشىلىگى وتە جوعارى ەكەنىن اتاپ كورسەتتى.
جۋرناليستيكا جانە ساياساتتانۋ فاكۋلتەتىنىڭ دەكانى قايرات ساقتىڭ سوزىنە قاراعاندا, بولاشاقتا وسى تەلەستۋديادا جاسالعان باعدارلامالار مەن جاڭا جوبالاردى رەسپۋبليكالىق تەلەارنالارعا ۇسىنۋعا دا زور مۇمكىندىك تۋىپ وتىر.
كامشات جۇباتحانوۆا,
ەۋرازيا ۇلتتىق ۋنيۆەرسيتەتىنىڭ ستۋدەنتى.