قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ديپلوماتيالىق كورپۋستىڭ وكىلدەرى – رەسەي, سلوۆاكيا, ليتۆا جانە گرەكيانىڭ ەلشىلەرىمەن ولاردىڭ وتىنىشتەرى بويىنشا كەزدەستى, دەپ حابارلادى وسى پالاتانىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ديپلوماتيالىق كورپۋستىڭ وكىلدەرى – رەسەي, سلوۆاكيا, ليتۆا جانە گرەكيانىڭ ەلشىلەرىمەن ولاردىڭ وتىنىشتەرى بويىنشا كەزدەستى, دەپ حابارلادى وسى پالاتانىڭ ءباسپاسوز قىزمەتى.
ق.توقاەۆ رەسەي ەلشىسى ميحايل بوچارنيكوۆتى رەسەي فەدەراتسياسى كونستيتۋتسياسىنىڭ 20 جىلدىق مەرەيتويىمەن قۇتتىقتادى. جۇزدەسۋ بارىسىندا تاراپتار مەملەكەت باسشىلارىنىڭ ۋاعدالاستىقتارىنا نەگىزدەلگەن قازاقستان مەن رەسەيدىڭ ستراتەگيالىق ارىپتەستىگىنىڭ دامۋىنا قاناعاتتانۋشىلىق ءبىلدىردى.
زاڭ شىعارۋ ورگاندارىنىڭ اراسىنداعى بايلانىستاردى ودان ءارى نىعايتۋ قاجەتتىگى سلوۆاكيا ەلشىسى پەتەر يۋزا, ليتۆا ەلشىسى روكاس بەرنوتاسپەن جانە گرەكيا ەلشىسى ەفتيميوس پاندزوپۋلوسپەن كەزدەسۋلەردەگى اڭگىمە بارىسىندا اتاپ ءوتىلدى. سلوۆاكيا ەلشىسى قازاقستان سەناتىنىڭ توراعاسىنا سلوۆاكيا رەسپۋبليكاسى ۇلتتىق كەڭەسىنىڭ توراعاسى پاۆول پاشكونىڭ قازاقستان تاۋەلسىزدىگى كۇنىنە وراي جەكە قۇتتىقتاۋىن جەتكىزدى. ق.توقاەۆ ديپلوماتتارمەن ليتۆانىڭ ەۋروپا وداعى كەڭەسىنە توراعالىق ەتۋى جانە 2014 جىلدىڭ العاشقى جارتىسىنداعى گرەكيانىڭ توراعالىعى اياسىندا قازاقستان مەن ەۋروپا وداعىنىڭ ىنتىماقتاستىعىن دامىتۋ ماسەلەلەرىن تالقىلادى.