قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
وندا سەناتتىڭ 19 جەلتوقساندا بولاتىن كەزەكتى وتىرىسىنىڭ كۇن تارتىبىنە شىعارىلاتىن زاڭ جوبالارى ەگجەي-تەگجەيلى تالقىلاندى. پالاتا التى زاڭ جوباسىن قاراۋدى جوسپارلادى.
سەناتتىڭ تۇراقتى كوميتەتتەرىنىڭ توراعالارى وسى زاڭ جوبالارىنىڭ ازىرلىك بارىسى, اتاپ ايتقاندا, كوميتەتتەر مەن جۇمىس توپتارىنداعى تالقىلاۋلاردىڭ ناتيجەلەرى تۋرالى باياندادى.
سەنات كوميتەتتەرىنە ماجىلىستە ماقۇلدانعان زاڭ جوبالارى ءبولىنىپ بەرىلدى. ەكونوميكالىق دامۋ جانە كاسىپكەرلىك كوميتەتىنە كەدەن وداعىنىڭ سىرتقى جانە ءوزارا ساۋداسىنىڭ ينتەگراتسيالانعان اقپاراتتىق جۇيەسىن قۇرۋ, ونىڭ جۇمىس ىستەۋى جانە ونى دامىتۋ تۋرالى كەلىسىمدى راتيفيكاتسيالاۋ تۋرالى زاڭ جوباسى بەرىلدى. وسى كوميتەت كەدەن وداعىنىڭ بىرىڭعاي كەدەن اۋماعىندا سىرتقى جانە ءوزارا ساۋدادا ەلەكتروندىق قۇجاتتار الماسۋ كەزىندە اقپاراتتىق تەحنولوگيالاردى قولدانۋ تۋرالى كەلىسىمدى راتيفيكاتسيالاۋ تۋرالى زاڭ جوباسىنا دا يە بولدى. قارجى جانە بيۋدجەت كوميتەتى وڭالتۋ جانە بانكروتتىق تۋرالى زاڭ جوباسى بويىنشا باس كوميتەت بولىپ بەلگىلەندى. بۇل كوميتەت زاڭناماعا وڭالتۋ جانە بانكروتتىق, سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىمەن دە شۇعىلداناتىن بولدى.