«نۇر وتان» پارتياسى جانىنداعى «ميراس» قوعامدىق كەڭەسى مادەنيەت پەن ونەردى دامىتۋ ورايىندا تولايىم جۇمىس تىندىرىپ كەلەدى. كەڭەس كەيىنگى كەزدە ءوزىنىڭ اياسىن كەڭەيتىپ, ءومىردىڭ كوپتەگەن سالالارىنا بەلسەنە ارالاسىپ ءجۇر. «ميراستىڭ» قۇرامىندا مىرزاتاي جولداسبەكوۆ, اكىم تارازي, قۋانىش سۇلتانوۆ, نۇرلان ورازالين, ايمان مۇساقوجاەۆا, بەكبولات تىلەۋحان, ەرمەك امانشاەۆ سياقتى ەسىمى ەلگە تانىمال تۇلعالار بار.
«نۇر وتان» پارتياسى جانىنداعى «ميراس» قوعامدىق كەڭەسى مادەنيەت پەن ونەردى دامىتۋ ورايىندا تولايىم جۇمىس تىندىرىپ كەلەدى. كەڭەس كەيىنگى كەزدە ءوزىنىڭ اياسىن كەڭەيتىپ, ءومىردىڭ كوپتەگەن سالالارىنا بەلسەنە ارالاسىپ ءجۇر. «ميراستىڭ» قۇرامىندا مىرزاتاي جولداسبەكوۆ, اكىم تارازي, قۋانىش سۇلتانوۆ, نۇرلان ورازالين, ايمان مۇساقوجاەۆا, بەكبولات تىلەۋحان, ەرمەك امانشاەۆ سياقتى ەسىمى ەلگە تانىمال تۇلعالار بار.
كەشە «نۇر وتان» پارتياسىنىڭ ورتالىق عيماراتىندا قوعامدىق كەڭەستىڭ كەزەكتى وتىرىسى وتكىزىلدى. پارتيا توراعاسىنىڭ ءبىرىنشى ورىنباسارى ب.بايبەك كەڭەس مۇشەلەرىنە بەلسەندى جۇمىسى ءۇشىن العىس ايتا كەلىپ, «ميراستىڭ» مەرەيلى مۇراتتارى جايىندا قىسقاشا اڭگىمەلەدى, بەلگىلى مەملەكەت جانە قوعام قايراتكەرى قۋانىش سۇلتانوۆتىڭ پارتيانىڭ تاياۋدا وتكەن ءحۇ سەزىندە «نۇر وتان» پارتياسى ساياسي بيۋروسىنىڭ مۇشەسى, پارتيالىق باقىلاۋ كوميتەتىنىڭ توراعاسى بولىپ سايلانۋىنا جانە پرەزيدەنت جانىنداعى ادام قۇقى جونىندەگى كوميسسيانىڭ توراعاسى مىندەتىن دە اتقاراتىندىعىنا بايلانىستى ءوزىن كەڭەس توراعالىعى مىندەتىنەن بوساتۋدى سۇراعانىن جەتكىزدى, كەڭەستىڭ قالىپتاسۋ كەزەڭىندە وعان بىلىكتى جەتەكشىلىك جاساعانى ءۇشىن العىس ايتتى. كەڭەس توراعالىعىنا پارلامەنت دەپۋتاتى, ءماجىلىستىڭ حالىقارالىق ىستەر, قورعانىس جانە قاۋىپسىزدىك جونىندەگى كوميتەتىنىڭ توراعاسى ماۋلەن اشىمباەۆ ۇسىنىلدى. «قوعامدىق كەڭەستىڭ جۇمىسىن جاڭا دەڭگەيگە كوتەرۋ كەرەك, كەزەگىن كۇتىپ تۇرعان ماسەلەلەر بارشىلىق. ماۋلەن ساعاتحان ۇلىنىڭ جانە كەڭەستىڭ باسقا دا مۇشەلەرىنىڭ كومەگىمەن ءبىز ول ماسەلەلەردى شەشە الاتىنىمىزعا سەنەمىن», دەدى باۋىرجان بايبەك. پارتيا توراعاسىنىڭ ءبىرىنشى ورىنباسارى پارلامەنت ءماجىلىسىنىڭ دەپۋتاتى, مەملەكەتتىك سىيلىقتىڭ لاۋرەاتى الدان سمايىلدى, «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆتى, «حابار» اگەنتتىگى» اق پروديۋسەرى مەرۋەرت قۇماروۆانى ءوزى قول قويعان قاۋلىعا سايكەس كەڭەس مۇشەلەرىنىڭ قاتارىنا قابىلدانۋىمەن قۇتتىقتاپ, قوعامدىق جۇمىستا تابىس تىلەدى.
«ەگەمەن-اقپارات».