نۇر-سۇلتان قالاسىنىڭ پوليتسەيلەرى وقۋ ورتالىعىنا ۇرلىققا تۇسكەن كۇدىكتىنى ۇستادى, دەپ حابارلايدى Egemen.kz
قاسكۇنەم وقۋ ورتالىعىنان جالپى قۇنى 1 ملن 200 مىڭ تەڭگە تۇراتىن تەحنيكانى, اتاپ ايتقاندا "LG" ماركالى تەلەديداردى, "نر" ماركالى پرينتەر مەن ميكروتولقىندى پەشتى جىمقىرعان.
ەر ادامنىڭ وقۋ ورتالىعىنا تۇندە پلاستيكالىق تەرەزەنى سىعىمداۋ ارقىلى كىرىپ, ۇرلىق جاساعانى انىقتالدى. كۇدىكتى بەينەباقىلاۋ كامەراسىنا ءتۇسىپ قالماس ءۇشىن بەت-ءجۇزىن جاۋىپ تۇراتىن باس كيىم كيگەن. ول ۇرلاعان زاتتارىن تاكسيگە تاسىعان, كەلەسى كوشەدە كۇتىپ تۇرعان تاكسي جۇرگىزۋشىسى ەشتەڭەدەن كۇدىكتەنبەگەن.
جەدەل-ىزدەستىرۋ ءىس-شارالارى بارىسىندا بۇرىن بىرنەشە رەت سوتتى بولعان 39 جاستاعى قالا تۇرعىنى ۇستالدى. كۇدىكتى تەرگەۋ يزولياتورىنا قاماۋعا الىندى. قىلمىستىق ءىس بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
كۇدىكتى ۇرلىق جاساعانىن مويىندادى, زاتتاي ايعاقتار تاركىلەنىپ, وقۋ ورتالىعىنا قايتارىلدى.
سونداي-اق ونىڭ بۇرىن ەلوردا اۋماعىندا جاسالعان وسىعان ۇقساس اشىلماعان قىلمىستارعا قاتىسى تەكسەرىلۋدە. نۇر-سۇلتان قالاسىنىڭ پوليتسيا دەپارتامەنتى شاعىن جانە ورتا بيزنەس يەلەرىنە وبەكتىلەرىن كۇزەت دابىلىمەن جابدىقتاۋدى ۇسىنادى.