*پرەزيدەنت پوشتاسىنان
قازاقستان پرەزيدەنتىنىڭ اتىنا وتتو بەنەكە اتىنداعى قوردىڭ پرەزيدەنتى لوتار-تەودور لەمپەردەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
*پرەزيدەنت پوشتاسىنان
قازاقستان پرەزيدەنتىنىڭ اتىنا وتتو بەنەكە اتىنداعى قوردىڭ پرەزيدەنتى لوتار-تەودور لەمپەردەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان پرەزيدەنتىنىڭ اتىنا جولداعان حاتىندا ل.لەمپەر مەملەكەت باسشىسىنىڭ ەل حالقىنا جولداۋى – «قازاقستان-2050» ستراتەگياسىمەن زور قىزىعۋشىلىقپەن تانىسىپ شىققانىن ايتادى. ونىڭ پىكىرىنشە, قۇجات قازاقستان ءۇشىن ومىرلىك ماڭىزى بار جاڭا سىن-قاتەرلەر مەن ەلەۋلى جەتىستىكتەر ۇيلەسىم تاپقان كوپتەگەن قىزىقتى جايتتاردى قامتيدى.
«قازاقستان بۇرىنعى كەڭەس وداعىنان دا, ودان تىسقارى ورنالاسقان باسقا كوپ مەملەكەتتەردەن دە جاڭارعان وپتيميستىك رۋحىمەن ەرەكشەلەنەدى. ءسىزدىڭ ءسوزىڭىز – باتىلدىق كورىنىس تاپقان قۇجاتتاما», دەپ جازادى حات يەسى. ل.لەمپەر رەسپۋبليكانىڭ مويىندالعان حالىقارالىق جەتىستىگىنىڭ ەكى قاينار كوزى – قازاقستان پرەزيدەنتىنىڭ باسشىلىعىمەن شەبەر جۇزەگە اسىرىلعان ساياسي باسشىلىق پەن ازاماتتاردىڭ ۇلكەن ەلدىڭ يگىلىگى جولىندا پايدالانىلىپ وتىرعان جان-جاقتى قابىلەتتىلىگى دەپ سانايدى.
«ستراتەگيا باتىس ەۋروپانىڭ توقىراۋدا قالىپ وتىرعان كوپ ەلىنەن قازاقستاندى جاقسى جاعىنان ەرەكشەلەيدى. ءسىزدىڭ جولداۋىڭىز قازاقستاندى ەكونوميكالىق, عىلىمي جانە الەۋمەتتىك پروگرەسس بيىگىنە كوتەرۋگە دەگەن ۇمتىلىسپەن ەتەنە بايلانىستى», دەلىنگەن حاتتا. حات سوڭىندا اۆتور نۇرسۇلتان نازارباەۆتىڭ جاڭا ءبىلىم بەرۋ ساياساتى ءوزىن ۇلكەن اسەرگە بولەگەنىن اتاپ وتكەن. وسىعان وراي ل.لەمپەر پەرسپەكتيۆالىق يدەيالاردى ىسكە اسىرۋعا ءوز ۇلەسىن قوسۋعا دايىن ەكەندىگىن بىلدىرگەن.
مۇمكىندىك ءۇشىن ايرىقشا ريزاشىلىق
ەلباسىنىڭ اتىنا قازاقستاننىڭ زياتكەرلىك جانە جالپى ورتا ءبىلىم بەرەتىن مەكتەپتەرىنىڭ مۇعالىمدەرى مەن تاعىلىمدامادان وتۋشىلەرىنەن حات كەلدى.
ءوز حاتىندا اۆتورلار «بولاشاق» حالىقارالىق باعدارلاماسى اياسىندا فينليانديادا عىلىمي-پەداگوگيكالىق تاعىلىمدامادان وتۋگە جاسالعان مۇمكىندىك ءۇشىن مەملەكەت باسشىسىنا ايرىقشا جىلى لەبىزبەن العىستارىن جەتكىزگەن. مۇعالىمدەر مەن تاعىلىمدامادان وتۋشىلەر الەمنىڭ ۇزدىك پەداگوگيكالىق يننوۆاتسيالىق تاجىريبەلەرىن تانىپ-ءبىلۋ ونى ەلىمىزدىڭ ورتا ءبىلىم سالاسىنا ەنگىزۋگە جانە بەيىمدەۋگە مۇمكىندىك بەرەتىنىن اتاپ وتكەن.
«ءبىزدىڭ وقۋىمىز فينليانديا پرەزيدەنتىنىڭ استاناعا 2013 جىلعى ءساۋىر ايىنداعى رەسمي ساپارى بارىسىندا ءسىز قول جەتكىزگەن ۋاعدالاستىقتىڭ ارقاسىندا ءمۇمكىن بولدى. ءبىزدىڭ عىلىمي-پەداگوگيكالىق تاعىلىمدامامىز «بولاشاق» حالىقارالىق باعدارلاماسىنىڭ 20 جىلدىق مەرەيتويىنا ورايلاس كەلگەنى ءبىز ءۇشىن ەكى ەسە مارتەبە. مىنە, 22 جىل ەلىمىز ءسىزدىڭ باسشىلىعىڭىزبەن العا نىق قادام باسىپ كەلەدى. قازاقستاننان جىراقتا ءجۇرىپ تە ءبىز ءوز وتانىمىز ءۇشىن ماقتانىشتى سەزىنەمىز», دەلىنگەن حاتتا.
حات يەلەرى قازاقستاننىڭ جەتىستىكتەرىن, اسىرەسە, مەملەكەت باسشىسىنىڭ باستاماسىمەن قۇرىلعان ءبىلىم سالاسىنداعى يننوۆاتسيالىق جوبالاردى فينليانديالىق ارىپتەستەرىنىڭ جوعارى باعالايتىنىن جەتكىزگەن. حات سوڭىندا مۇعالىمدەر مەن تاعىلىمدامادان وتۋشىلەر نۇرسۇلتان نازارباەۆقا زور دەنساۋلىق, ال ەلىمىزگە باق-بەرەكە تىلەگەن.