كەشە قاتونقاراعاي اۋدانىندا جولدا قالىپ قويعان ەكى ازامات قۇتقارىلدى, دەپ حابارلايدى Egemen.kz.
13 قاڭتاردا كاتونقاراعاي اۋدانىندا 1982 جانە 1988 جىلى تۋعان ەكى ەر ادام اداسىپ قالعان, ولار نوۆو-حايرۋزوۆكا اۋىلىنان الىباي اۋىلىنا قاراي جولعا شىعىپ, «ۆاز 2114» ماركالى اۆتوكولىگى قارعا باتىپ قالعان سەبەپتى جەتە الماعان.
27-ءوسب جانە پوليتسيا قىزمەتكەرلەرى اداسىپ قالعان ادامداردى ىزدەستىردى. ىزدەۋ توبى 21 ساعات 30 مينۋتتا نوۆو-حايرۋزوۆكا جانە الىباي اۋىلدارى اراسىنداعى تاس جولىنىڭ 15 شاقىرىمىندا دالادا تابىلدى.
العاشقى كومەك كورسەتۋ ءۇشىن ەر ادامدار ورتالىق اۋداندىق اۋرۋحاناعا جەتكىزىلىپ, دارىگەرلەردىڭ قاراۋىنان كەيىن ۇيلەرىنە جىبەرىلدى. ەر ادامداردىڭ ايتۋىنشا, كولىك سالونىندا قاتىپ قالماس ءۇشىن ولار قاعازدى جاعىپ وتىرعان.