قىرعىزستانداعى تاۋ شاڭعىسى بازاسىندا قازا بولعان قازاقستاندىققا قاتىستى جاڭا دەرەكتەر شىقتى. ىستىقكول وبلىسىنىڭ ىشكى ىستەر باسقارماسىنىڭ ءباسپاسوز قىزمەتى حابارلاعانداي, مارقۇم نۇر-سۇلتان قالاسىنان كەلگەن, دەپ حابارلايدى Egemen.kz
پوليتسيا ءجاسوسپىرىمنىڭ 13 جاستا ەكەنىن اتاپ ءوتتى. قازاقستاندىق 31 قاڭتارداعى14-ءشى تۋعان كۇنىنە جەتپەي جازىم بولىپتى.
«جۇرگىزىلگەن تەرگەۋ ءىس-شارالارى بارىسىندا وسى جىلدىڭ 3 قاڭتارىندا قازاقستان رەسپۋبليكاسى نۇر-سۇلتان قالاسىنىڭ 35 جاستاعى تۇرعىنى ءوزىنىڭ 13 جاستاعى كامەلەتكە تولماعان ۇلىمەن نەمەرە اعاسىنا شۋ وبلىسىنىڭ توقماق قالاسىنا قوناققا كەلگەنى انىقتالدى. 10 قاڭتاردا نەمەرە اعاسى وتباسىمەن جانە جيەنىمەن قاراكول قالاسىنا كەلگەن, وندا ولار قوناقۇيلەردىڭ بىرىندە تۇرىپ, "قاراكول" تاۋ شاڭعىسى بازاسىنا دەمالۋعا كەتكەن», دەدى ءباسپاسوز قىزمەتىندەگىلەر.
قۇقىق قورعاۋ ورگاندارىنىڭ مالىمەتىنشە, ءجاسوسپىرىم بۇرىلىستا 2700 مەتر بيىكتەگى شىرشاعا بارىپ قۇلاعان.
«12 قاڭتاردا ساعات 13.00-دە تاۋ شاڭعىسى بازاسىندا دەمالۋ كەزىندە كامەلەتكە تولماعان بالا 3040 مەتر بيىككە كوتەرىلدى, وندا ول باتىس تراسسامەن تومەن ءتۇستى. شامامەن 2700 مەتر بيىكتە باتىستان شىعىسقا قاراي بۇرىلعان كەزدە ول جىلدامدىقتى باسقارا الماي, شىرشاعا بارىپ سوعىلعان. ناتيجەسىندە العان جاراقاتىنان وقيعا ورنىندا كوز جۇمعان.
مارقۇمدى سىرتتاي تەكسەرۋ بارىسىندا سوت-مەديتسينالىق ساراپشىكامەلەتكە تولماعان بالانىڭ اياعى مەن مويىنىنىڭ سىنعانىن انىقتادى. ءجاسوسپىرىمنىڭ ءولىمىنىڭ بارلىق ءمان-جايىن تولىق انىقتاۋ ءۇشىن سوت-مەديتسينالىق ساراپتاما تاعايىندالدى جانە تەرگەۋ ءىس-شارالارى جۇرگىزىلىپ جاتىر», دەدى ىستىقكول وبلىسىنىڭ ىشكى ىستەر باسقارماسىنىڭ وكىلدەرى.