ۇكىمەت جانىنداعى كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنە سۇيەنسەك, بيىلعى 1-10 قاڭتاردا موبيلدىك توپتار 903 رەيد جۇرگىزىپ, 3 769 نىساندى تەكسەردى, دەپ حابارلايدى Egemen.kz
رەيد كەزىندە سانيتاريالىق-ەپيدەميولوگيالىق, سونداي-اق كارانتيندىك شەكتەۋ تالاپتارىن بۇزۋدىڭ 28 دەرەگى انىقتالدى. ماسەلەن, قىزىلقوعا اۋدانىندا وتباسىلىق ءىس-شارالاردى وتكىزۋگە تىيىم سالىنعانىنا قاراماستان, وسى كۇندەرى ەكى ۇيلەنۋ تويى وتكىزىلىپتى. ال اتىراۋ قالاسىندا باس مەملەكەتتىك سانيتارلىق دارىگەرىنىڭ قاۋلىسىنا سايكەس قىزمەتىنە تىيىم سالىنعان «رەگيونبەت» لوتو كلۋبى كەلۋشىلەردى جاسىرىن قابىلداعانى بەلگىلى بولدى.
سونداي-اق جىلىوي اۋدانىنداعى «تەڭىز» ۆاحتالىق قالاشىعىندا بەتپەردە رەجيمىن ساقتاماۋدىڭ 2, بەكىتىلگەن جۇمىس رەجيمىن بۇزۋدىڭ 1 دەرەگى تىركەلدى. وسىنداي دەرەككە قاتىستى 22 ماتەريال قارالىپ جاتىر. ءموبيلدى توپتار مەن جەرگىلىكتى پوليتسيا دەپارتامەنتىنەن تۇسكەن ماتەريالدار بويىنشا قر «اكىمشىلىك قۇقىق بۇزۋشىلىق تۋرالى» كودەكسىنىڭ 425-بابى 1-بولىگىنە سايكەس جالپى سوماسى 547 975 تەڭگەنىڭ 6 ايىپپ ۇلى سالىندى.