سولتۇستىك قازاقستان وبلىسىندا سانيتارلىق-ەپيدەميالىق باقىلاۋ دەپارتامەنتىنىڭ جاڭا باسشىسى تاعايىندالدى, دەپ حابارلايدى Egemen.kz
ۆەدومستۆونىڭ ءباسپاسوز قىزمەتى حابارلاعانداي, باس مەملەكەتتىك سانيتارلىق دارىگەر 39 جاستاعى اسەت جۇماتاەۆ تاعايىندالدى. ول وسىعان دەيىن دەيىن پەتروپاۆل قالالىق سانيتارلىق-ەپيدەميالىق باقىلاۋ باسقارماسىن باسقاردى.
ا.جۇماتاەۆ قاراعاندى مەملەكەتتىك مەديتسينا اكادەمياسىن «مەديتسينالىق-پروفيلاكتيكالىق ءىسى" ماماندىعى بويىنشا بىتىرگەن. 2007-2019 جىلدارى اققايىڭ اۋدانى بويىنشا سانيتارلىق-ەپيدەميالىق باقىلاۋ باسقارماسىنىڭ سانيتارلىق-گيگيەنالىق ءبولىمىنىڭ باس مامانى, ودان ءارى باستىعى جانە اۋداننىڭ قوعامدىق دەنساۋلىق ساقتاۋ باسقارماسىنىڭ باسشىسى قىزمەتتەرىن اتقارعان.
بۇعان دەيىن سانيتارلىق-ەپيدەميالىق باقىلاۋ دەپارتامەنتى باسشىسىنىڭ مىندەتىن اتقارۋشى ارمان كوشباسوۆ وسى دەپارتامەنت باسشىسىنىڭ ورىنباسارى لاۋازىمىنا اۋىسقان ەدى.