مەملەكەت باسشىسى قاسىم-جومارت توقاەۆ قحا كەڭەسى ۇسىنعان پارلامەنت ءماجىلىسى دەپۋتاتتىعىنا كانديداتتارعا داۋىس بەردى, دەپ حابارلايدى Egemen.kz
بۇگىن نۇر-سۇلتان قالاسىنداعى بەيبىتشىلىك جانە كەلىسىم سارايىندا قازاقستان حالقى اسسامبلەياسىنان ۇسىنىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋ بويىنشا قازاقستان حالقى اسسامبلەياسىنىڭ XXVIII سەسسياسى ءوتىپ جاتىر .
«قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنىڭ 93-1-بابىنا سايكەس سەسسيادا اسسامبلەيادان سايلاناتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا قحا كەڭەسى ۇسىنعان ۇمىتكەرلەرگە داۋىس بەرىلەدى. وعان قحا مۇشەلەرىنىڭ قاتىسۋى ەسكەرىلگەن.
سەسسيا جۇمىسىنا ەلىمىزدىڭ بارلىق وڭىرلەرىنەن رەسپۋبليكالىق جانە وڭىرلىك ەتنومادەني بىرلەستىكتەر, قوعام قايراتكەرلەرى, عىلىمي جانە شىعارماشىلىق زيالى قاۋىمنان قۇرالعان قحا مۇشەلەرىنىڭ دەلەگاتسيالارى, سونداي-اق قازاقستان رەسپۋبليكاسىندا اككرەديتاتسيادان وتكەن حالىقارالىق بايقاۋشىلار مەن باق وكىلدەرى قاتىسىپ جاتىر.
قحا-نىڭ XXVIII سەسسياسىنىڭ سوڭىندا نۇر-سۇلتان قالالىق سايلاۋ قازاقستان حالقى اسسامبلەياسىنان سايلاناتىن قازاقستان رەسپۋبليكاسى پارلامەنتى ءماجىلىسى دەپۋتاتتارىن سايلاۋ قورىتىندىلارىن ورتالىق سايلاۋ كوميسسياسى شىعارادى.
بۇعان دەيىن ەلباسى نۇرسۇلتان نازارباەۆ, ۇكىمەت باسشىسى اسقار مامين, قر پرەمەر-ءمينيسترىنىڭ ورىنباسارى ەرالى توعجانوۆ, سەنات توراعاسى ماۋلەن اشىمباەۆ, سونداي-اق مينيسترلەر داۋىس بەردى.
2020 جىلدىڭ 24 جەلتوقساندا قر ورتالىق سايلاۋ كوميسسياسى ماجىلىسكە قحا اتىنان سايلاۋعا تۇسەتىن 9 دەپۋتاتتى تىركەگەن ەدى.