ەل بويىنشا داۋىس بەرۋدەن العاشقى ورىندا تۇرعان وبلىس اتالدى

سقو سايلاۋ كوميسسياسىنىڭ مالىمەتىنشە, بۇگىن وڭىردە 650 سايلاۋ ۋچاسكەسى جۇمىس ىستەدى.

تاڭعى ساعات 7.00-دەن باستاپ 4 مىڭعا جۋىق بايقاۋشى باقىلادى. وبلىستان پارلامەنت ءماجىلىسى دەپۋتاتتىعىنا 5 پارتيادان 312 كانديدات تىركەلدى. ولاردىڭ 222-ءسى ەر ادام بولسا, 90-ى ايەل. ۇمىتكەرلەردىڭ ەڭ جاسى 25-تە, ەڭ ۇلكەنى – 70-تە.

«سقو-دا 399 370 سايلاۋشى بار. پەتروپاۆل قالالىق جانە اۋداندىق سايلاۋ كوميسسيالارىنىڭ ەسەبى بويىنشا ولاردىڭ 301 629-ى بۇگىن كونستيتۋتسيالىق قۇقىعىن پايدالانىپ, داۋىس بەردى. ول بارلىق سايلاۋشىنىڭ 75,5 %-ى», دەدى سقو سايلاۋ كوميسسياسىنىڭ توراعاسى ەربولات بەكشەنوۆ